Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike Lapolis

En madanm 71an avek nasyonalite Alman in gany sertifye mor kot sant lasante Bovalon ver 2er edmi apremidi ozordi swivan en lensidan kot in prezimen noye dan lanmer Bovalon.
 
Lapolis ti ganny alerte lo sa lensidan ver 2er edmi apremidi par en ners kot sa sant lasante. Sa madanm ti ganny asiste par bann zofisye lazans servis teny dife e sovtaz (life guard) apre ki i ti ganny apersevwar an detres dan lanmer kot i ti ganny anmenn ater lo lans e answit transporte par lanbilans kot sant lasante Bovalon.
 
Lapolis in konmans en lanket dan sa ka an atandan rezilta letopsi.

Kominike Lapolis

Lapolis in konmans en lanket pou etablir sirkonstans en aksidan ki ti ganny raporte Sanmdi le 12 Fevriye 2022 ver 9:22 diswar dan distrik Takamaka. kot 2 moter enn avek pasaze ti fer kolizyon avek en pickup dan zanmerant larantre chez Batista. Tou le kat dimoun ti ganny transporte kot sant lasante Anse Royale pou swen medikal, 2 in ganny large tandis ki en garson 19 an in admit Dan younit swen entansiv e son kondisyon in ganny dekrir koman kritik e son pasaze en garson 18 an In ganny admet lo Doffay ward e son kondisyon I stab.

Kominike Lapolis

Swivan en video ki an sirkilasyon lo rezyo sosyal lapolis i oule konfirmen ki sa zonm kin aret, sa msye i pa en zofisye lapolis ni menm en manm lafors militer pou lentelizans . Parey i tinn refer sorti dan son konmanter ki i sorti kot younit Lentelizans.
 
Lapolis ti ganny alerte lo sa lensidan ver 5:03 apremidi, kot annanrivan lo teren zofisye lapolis ti entersepte sa sispe ki ti arme avek en gran kouto e en kannif.I ti ganny arete sir plas Viktim sa lensidan en Msye 48 an sorti dan distrik Perseverance ki tin fizikman  ganny agrese e met dan en minot answit ganny trennen lo terminal bis anvil, ti ganny transporte kot sant lasante Larivyer  Anglez pou swen medikal.
 
Sa sispe i en zonm aze 25 an ki son ladres pa ankor ganny etablir  in ganny arete e in admit "welness center" antretan lapolis i kontinyen avek son lanket dan sa enn ka.

Kominike Lapolis

Swivan en video ki an sirkilasyon lo rezyo sosyal lapolis i oule konfirmen ki sa zonm kin aret, sa msye i pa en zofisye lapolis ni menm en manm lafors militer pou lentelizans . Parey i tinn refer sorti dan son konmanter ki i sorti kot younit Lentelizans.
 
Lapolis ti ganny alerte lo sa lensidan ver 5:03 apremidi, kot annanrivan lo teren zofisye lapolis ti entersepte sa sispe ki ti arme avek en gran kouto e en kannif.I ti ganny arete sir plas Viktim sa lensidan en Msye 48 an sorti dan distrik Perseverance ki tin fizikman  ganny agrese e met dan en minot answit ganny trennen lo terminal bis anvil, ti ganny transporte kot sant lasante Larivyer  Anglez pou swen medikal.
 
Sa sispe i en zonm aze 25 an ki son ladres pa ankor ganny etablir  in ganny arete e in admit "welness center" antretan lapolis i kontinyen avek son lanket dan sa enn ka.

Kominike Lapolis

Lapolis in konmans en lanket pou etablir sirkonstans e lakoz lanmor en zonm 58 an Sorti dan distrik Roche Caiman apre ki i tinn ganny transporte kot lopital Sesel yerswar. Lapolis ti resevwar sa rapor par sant dirzans kot lopital Sesel ver 9er diswar.
 
Antretan en zonm 30 an sorti dan distrik Les Mamelles in ganny arete e pe detenir koman sispe dan sa ka. I espekte ganny anmenn ankour demen pandan ki lapolis i esper rapor letopsi.

Kominike Lapolis

1 zonm 32 an e en madanm 27an toulede sorti dan distrik St Louis in ganny arete e pe detenir koman sispe dan en ka kot en zonm 25an, Hubert Mothe ki osi sorti dan distrik St Louis, ti ganny deklare mor ver 9: 30 diswar, apre ki ti I tin ganny anmennen kot swen dirzans kot Lopital Sesel an rezilta blesir ki I tin resevwar lo parti son lekor dan en lensidan St Louis.

Lapolis ti ganny alerte lo sa lensidans ver 9:15 yerswar, letopsi fer lo lekor Hubert Mothe ozordi  I demontre ki in mor par en kout kouto fatal dan son lestoman.

Lapolis pe kontinnyen avek son lanket dan sa ka kot sa 2 sispe i espekte ganny anmenn ankour Lendi.

Kominike Lapolis

Lapolis in arete e pe detenir en zonm 41 an sorti St Louis koman sispe dan en ka Vol an servan vyolans ki ti arive le 10 Fevriye swar kot en letablisman touristik Mare Anglaise Beau Vallon kot en koup Franse ti ganny atake e vole dan zot apartman.
 
Sa sispe i espekte ganny anmenn ankour lendi,lapolis pe kontinnyen avek son lanket dan sa ka.

Kominike Lapolis

Lapolis in konmans en lanket dan en ka kin arive dan distrik St Louis kot en garson 25 an sorti dan distrik St Louis in ganny sertifye mor lopital Sesel swivan en blesir grav ki in resevwar lo en parti son lekor plis detay dan en prosen kominike.

Kominike Lapolis

Sa 2 zonm aze 42 an e 47 an toulede sorti Nagon Estate dan distrik Point Larue ki ti sispe dan sa ka Akt avek lentansyon pou koz dimal grav en dimoun  in ganny anmenn devan lakour Mazistra ozordi apremidi kot zot in ganny rimann pou 14 zour sa 2 sispe pou re ganny anmenn ankour le 23 Fevriye 2022.

Kominike Lapolis

2 zonm aze 42 an e 47 an toulede sorti Nagon Estate dan distrik Point Larue in ganny arete e pe detenir koman sispe dan en ka Akt avek lentansyon pou koz dimal grav en dimoun kin arive yerswar Point Larue. Sa ti swivan en bagar kot en garson 22 an ti ganny pike lo en parti son lekor e koz li dimal grav.  I ti answit ganny transporte lopital Sesel par lanbilans pou swen medikal entansif.
 
Lapolis ti ganny alerte lo sa lensidans ver 7:05 yerswar, sa garson in admit dan Younit swen entansif lopital sesel e son kondisyon in ganny dekir koman kritik.
 
Lapolis pe kontinnyen avek son lanket dan sa ka kot sa  2 sispe i espekte ganny anmenn ankour pandan lazournen.

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133