Kominike Lapolis

John Finesse sorti Baie Lazare, in kondannen devan Lakour Mazistra Anse Royale dan en ka lagresyon fizik lo en endividi. Finesse ti komet sa lofans le 15 Zilyet 2023 dan distrik Baie Lazare, kot I ti ilegalman agres en garson avek en lobze e koz li dimal grav dan son latet.

Mazistra ki ti pe ekout sa ka, in enpoz en santans 2an Prizon lo Finesse, me in ordonnen ki sa santans I ganny sispann pou en peryod 2an, avek kondisyon ki I pa komet ou ganny sarze avek okenn lofans similer pandan sa 2an, kot si I arive komet okenn lofans similer I pou ganny prodwir devan Lakour e I pou deservi son term Prizon. Mazistra in osi enpoz en lanmann 9mil roupi ki I pou bezwen peye avan le 5 Desanm 2024, e in ordonnen ki en sonm 2mil 500 roupi I al koman en konpansasyon pou sa viktim. 

Departman Lapolis