Kominike Lapolis
Dominique Baccus aze 29an sorti Ma Joie, in formelman ganny sarze devan Lakour Mazistra, ozordi pou lofans Koz dimal grav en endividi e dray dan en fason neglizans lo en larout piblik.
Sa i dan ka kot sa garson 18an sorti Roche Caiman ki ti lo en moter ler sa aksidan ti arive dan Car Park IDC, kot sa akize dan transpor enplike dan aksidan ti trenn sa garson ziska dan rezyon semen Thelemque akote Marine Charter. Lapolis ti ganny alerte lo sa aksidan granmaten le 15 Out 2024.
Mazistra ki ti pe ekout sa ka in larg Bacuss lo sa bann kondisyon swivan; kot I pou bezwen pey en kosyon 10mil roupi pou son laliberte provizwar, ki in fini peye. I pou bezwen sivre sa bann kondisyon swivan pou pa enterfer avek temwen dan sa ka, pou sinny Liv Lakour 2 fwa par semenn dan kordgard Perseverance, pou prezan devan Lakour a sakfwa son ka pe ganny ekoute, pou pa ganny sarze avek okenn lofans similer pandan letan ki I deor lo laliberte provizwar e pou prodwir en dimoun koman en garanti dan sa ka.
Sa ka pou repas devan Lakour le 19 Septanm 2024.
Departman Lapolis
