Kominike Lapolis
Stephen Suzette aze 26an sorti Takamaka in kondannen devan Lakour Mazistra Anse Royale, dan 3 ka relye avek trazaksyon drog.
Suzette ti ganny entersepte par zofisye lapolis le 5 Out 2023 Takamaka, kot swivan lafouy fer lo li. Lapolis ti sezi dan son posesyon 8.99 granm rezin kanabis, 36.50 granm kanabis, 25.50 granm rezin kanabis e 26.32 granm rezin kanabis, en sonm 5mil 500 roupi, e osi 3 balans nimerik.
Mazistra ki ti pe ekout sa ka, ti kondann Suztte 1 an Prizon dan premye ka, e in ordonnen ki son santans I ganny sispann pou en peryord 2an, e osi enpoz en lanmann 9mil roupi ki i pou bezwen peye avan le 5 Desanm 2024. Dan dezyenm ka Mazistra in osi enpoz en term 1 an Prizon, e in ordonnen ki son santans I ganny sispann pou en peryord 2an, ek en lanmann 10mil roupi ki I pou osi bezwen ganny peye avan le 5 Desanm 2024. Dan twazyenm ka, Mazistra in enpoz en lanmann 6mil roupi, ki osi bezwen ganny peye avan le 5 Desanm 2024, ki fer Suzette I annan en lanmann 25mil roupi ki I pou bezwen peye, si I pa peye I pou deservi en term 2an 3mwan Prizon.
Departman Lapolis
