Kominike Lapolis

Venkadesh Arumugum aze 44an sorti St Louis avek nasyonalite Endyen. In formelman ganny sarze devan Lakour Mazistra dan 3 ka. Sa I pou lofans vole dan en landwa travay, fabrik fo kont avek lentansyon pou fer frod, e blansisarz larzan. 

Arumugum in komet sa bann lofans, dan landwa kot I ti pe travay dan en Laboutik Elektronik dan rezyon Lavil, kot en sonm en ti pe plis ki 2 milyon roupi in ganny raporte manke. 

Mazistra ki ti pe ekout sa ka in larg sa akize lo sa bann kondisyon swivan kot I pou bezwen remet son paspor e bann dokiman vwayaz avek Lakour, pou prezan devan Lakour a sakfwa son ka pe ganny ekoute, e pou raport dan kordgard Santral regilyerman. Mazistra in osi ordonnen ki Propriyeter sa biznes ki ti pe responsab sa akize, I fer provizyon en akomodasyon pou sa akize, provizyon manze, e provizyon en saler debaz. Sa ka pou repas devan Lakour le 25 Oktob 2024. 

Departman Lapolis