Kominike Lapolis

Yannick Servina in kondannen devan lakour Mazistra Anse Royale, pou lofans ilegalman okazyonn dimal grav en endividi. Servina ti komet sa lofans le 15 Avril 2023 Cascade, kot I ti fizikman agres en zonm e koz li dimal grav. 

Mazistra ki ti pe ekout sa ka, in kondann Servina 2an Prizon, me in ordonnen ki son santans I ganny sispann pou en peryod 2an, avek sa bann kondisyon swivan; kot I pa sipoze komet ou ganny sarze avek okenn lofans similer pandan sa 2an, e okenn lofans ki kapab anmenn en santans Prizon. Si I arive kas sa kondisyon, I pou ganny prodwir devan Lakour, e I pou fer fas avek son santans 2an Prizon. Mazistra in osi enpoz en kosyon 15mil roupi, ki I pou bezwen peye avan le 5 Desanm 2024, kot ladan en sonm 5 mil roupi pou al koman en konpansasyon pou sa viktim. 

Departman Lapolis