Dominic, Jason Rose sorti Union Vale, in kondann 2an Prizon, kin ganny sispann pour en peryod 2an, avek en lanmann 24mil roupi, devan Lakour Siprenm. Sa I dan en, ka trafik en drog kontrole.

Rose ti konmet sa lofans, le 18 Septanm 2020, apre ki I tin ganny arete an posesyon 369.71 granm rezin kanabis.

• Ronpwen Mont Fleuri (anfas laboutik Msye Weeling) ki al ver direksyon Lavil.
•  E Kwaze semen Lopital Sesel ki al ver Ronpwen Mont Fleuri.

• En landrwa spesifik kin ganny dezinyen kot siporter pou kapab rasanble 
• Lapolis pe demann tou dimoun pou gard en bon konportman e respekte lezot, evite provok kanmarad ki kapab koz bann ak ou aksyon vyolans.
• I enportan pou note ki konsomasyon lalkol dan landrwa piblik i en lofans e pa pou ganny tolere.

Sa zonm 33an sorti Anse Aux Pins, ki ti ganny bezwen par lapolis an koneksyon avek plizyer ka kas lakaz e vole, ki lapolis pe fer lanket ladan. In pas devan Lakour Mazistra, Ile Du Port ozordi apremidi, ansanm avek en lot sispe zonm aze 32an sorti Belonie.

Mazistra in ordonnen ki tou le 2 sispe I ganny garde, pour 14 zour lo rimann andetansyon lapolis.

Alwyn Larue avek Chris Larue toule de sorti Baie Lazare, in kondannen dan en ka vol devan Lakour Mazistra Anse Royale, Alwyn ek Chris in sakenn kondonn 2an Prizon, kin ganny sispann pour en peryod 3an avek en lanmann 9mil roupi sakenn.

Alwyn ek Chris ti komet sa lofans le 16 Zilyet 2023, Anse Forban, Takamaka kot zot ti vol 231 zironmon lo en laferm ki ti valer 10mil roupi. Lapolis ti reisi rekiper tou le 231 zironmon ki tin ganny raporte vole.

Nazreen De’Letourdie sorti Perseverance in kondannen devan Lakour Mazistra Ile Du Port dan en ka vole dan en landwa travay. Mazistra in kondann  De’Letourdie en term 15 mwan Prizon, kinn ganny sispann pou en peryod 2an, avek en lanmann 20mil 834 roupi, ki I pour bezwen peye avan le 30 Zilyet 2026.

De’Letourdie ti komet sa lofans letan ki I ti pe travay kot en Labank,  pandan mwan Zanvye ziska Septanm 2019, kot I ti ilegalman vol en sonm larzan valer 20mil 834 roupi.

Jude Jean aze 37an sorti St Louis, in kondann 3mwan Prizon devan Lakour Mazistra Ile Du Port. Sa I dan en ka an posesyon en zouti ofansiv dan en landwa piblik.

Jean ti komet sa lofans le 26 Mars 2025, apre ki I tinn ganny arete dan en ka vol, kot lapolis ti sezi dan son posesyon en kouto, ki I ti napa en rezon valab e zistifikasyon akoz ki sa kouto ti dan son posesyon.

Guyto Figaro aze 35an sorti Anse Gaulette, Baie Lazare in formelman ganny sarze devan Lakour Mazistra Anse Royale, dan en ka vol. Lapolis atraver prosekisyon ti anmenn en mosyon, pour demann Lakour ki Figaro I ganny garde lo rimann, sa I anvi ki Figaro ti deza lo en santans Sispann deor, e vi ki I tin komet en nouvo lofans pandan sa peryod letan ki son santans Prizon In ganny sispann. Mazistra in rimann Figaro 14 zour Prizon Montagne Posse, antretan. 

Figaro ti komet sa lofans le 09 Zilyet 2025, Takamaka, kot I tin vol en scooter, kot en lakaz, e ki plitar sa scooter ti ganny dekouver anbadonnen dan en lapay, dan rezyon Takamaka menm.

Lakour Siprenm in yer bomaten, rann zizman dan ka George Pool aze 51an sorti Ma Joie, kot Lakour in vwar Pool koupab pou 3 sarz, parmi 4 sarz ki ti annan kont li. Sa I

• Koz lanmor en endividi, par dray dan en fason danzere e neglizans.
• Pour pa reisi arete, letan ki en aksidan narive.
• Aksyon nesansib ek neglizans.

E Lakour in rezet sarz Omisid en volanter, kont Pool.  Ziz in akit sa sarz, e refer sorti ki prosekisyon pann reisi O-bor tou dout rezonab pou sa enn sarz.

Sa I dan ka, kot le 1 Zanvye 2022, dan distrik Anse Boileau, kot 2 zofisye lapolis madanm, ki ti pe travay sa zour swar, ki tin reponn lapel pou asiste en msye ki zot tin prezimen ki I ti anba lenflians lalkol, ki ti pe mars dan milye semen, an sortan ver kot Sant Anse Boileau, kot letan sa 2 zofisye lapolis madanm tin ariv avek sa msye, pa lwen avek stasyon Lapolis sa distrik, kot sa 2 zofisye lapolis e sa msye ti ganny tape obor semen, avek en transpor ki ti pe fer direksyon ver Anse Louis, ki ti answit kontinny son larout, san arete.

Anrezilta sa aksidan tou le 3 endividi ti sibir dimal, kot sa msye tin ganny transporte kot Sant Lasante sa distrik, kot I ti ganny sertifye mor annarivan kot sa Sant Lasante. Akize dan sa ka, George Pool ti ganny arete plitar dan rezyon Anse Louis.

Lakour in la rimann George Pool 14 zour andetansyon Lapolis, antretan ki I esper santans dan sa bann ka.