Kominike
Rahul Greedhun aze 24an sorti Pascal Village, dan distrik Beau Vallon in formelman ganny sarze devan Lakour Mazistra Ile Du Port, dan 3 ka. Sa i pour lofans trespas kriminel, e menas an servan vyolans, Mazistra in larg Greedhun lo sa bann kondisyon swivan.
Dan premye ka pour sinny en "Bail Bond" 6mil roupi, pour pa enterfer avek konplenan dan sa ka, pour sinny liv Lakour, dan kordgard Beau Vallon 2 fwa par semenn, e pour pa angaze dan okenn aktivite kriminel.
Dan dezyenm ka, Mazistra in larg Greedhun lo en "Bail bond" 15mil roupi, ki in sinnyen, e preski menm kondisyon parey dan premye ka, me adisyonnelman. Mazistra in ordonnen ki Greedhun I remet son paspor ek okenn dokiman vwayaz, ki dan son posesyon avek Lakour, e ki I napa dwa ganny akse pour resevwar okenn dokiman vwayaz avek servis Imigrasyon Sesel, san en lord Lakour, e ki I strikteman napa dwa pour apros propriyete sa konplenan dan sa ka, en zistans 20 met.
E dan trwazyenm ka, Mazistra in larg Greedhun lo en kosyon 5mil roupi ki I pour bezwen peye pour son laliberte provizwar e, preski menm kondisyon parey dan premye ek dezyenm ka.
Greedhun pann reisi akord demann Lakour pour pey sa kosyon, 5 mil roupi, ki fer in aprezan ganny rimann Prizon Montagne Posse, e si I arive peye I pour ganny large, e I pour bezwen sivre sa bann kondisyon ki Lakour in enpoz lo li.
