Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike Lapolis

Giovanie Thelermont aze 46 an sorti North East Point, in formelman ganny sarze devan Lakour Mazistra dan 2 ka. Sa I pou lofans vole e lagresyon fizik lo en endividi.
Mazistra in larg Thelermont lo sa bann kondisyon swivan; kot I pou bezwen pey en kosyon 30 mil roupi an total pou son laliberte provizwar, kot I pann reisi akord demann Lakour, ki fer I aprezan ganny rimann Prizon Montagne Posse.
Si I arive pey sa kosyon 30 mil roupi, I pou ganny large e I pou bezwen sivre sa bann kondisyon swivan; pou prodwir 2 dimoun koman garanti 5mil roupi sakenn, pou sinny Liv lakour 3 fwa par semenn dan kordgard Santral, pou pa enterfer avek temwen dan sa ka, e pou pa komet ou ganny sarze avek okenn lofans similler pandan letan ki I pou deor lo laliberte provizwar. Sa ka pou repas devan Lakour le 31 Oktob 2024.
Departman Lapolis

Kominike Lapolis

Departman Lapolis I oule konfirmen ki loperasyon resers pou rod 2 zonm Seselwa, Dario Sangullion aze 30 an ek Rico Josias aze 27 an toulede sorti dan distrik Anse Royale, ki ti ganny raporte manke avek lapolis le 5 Oktob 2024, In ofisyelman arete pou le moman.
Sa I vin apre en loperasyon resers entansif par Gard Lakot Sesel, e lafors Arenyen Sesel, kin dire pandan 10 zour, pou esey retrouv sa bato “ Saturn ”. ziska la sa loperasyon resers pan abouti dan naryen.
Tou lotorite konsernen I toutmenm reste lo alert e pou resevwar okenn nouvo lenformasyon relye ek sa ka, ki kapab asiste pou retrouv sa bato “ Saturn” e sa 2 peser.
Departman Lapolis
 
The Seychelles Police Force confirms that the search and rescue operation for two missing Seychellois fishermen, Dario Sangullion, 30, and Rico Josias, 27, both from Anse Royale, has been officially suspended. They were reported missing on 5th October 2024.
After an extensive 10-day search conducted by the Seychelles Coast Guard and Seychelles Air Force, no further leads have been discovered.
The relevant authorities will continue to monitor the situation for any additional information that may assist in locating the two fishermen.
 
Communiqué
La police des Seychelles confirme que l'opération de recherche et de sauvetage de deux pêcheurs seychellois portés disparus, Dario Sangullion, 30 ans, et Rico Josias, 27 ans, tous deux originaires d'Anse Royale, a été officiellement suspendue. Ils ont été portés disparus le 5 octobre 2024.
Après 10 jours de recherches approfondies menées par les garde-côtes des Seychelles et l'armée de l'air des Seychelles, aucune autre piste n'a été découverte.
Les autorités compétentes continueront de surveiller la situation pour obtenir toute information supplémentaire susceptible d'aider à localiser les deux pêcheurs.
Service de police

Kominike Lapolis

En zonm 34an sorti North East Point, in ganny rimann andetansyon lapolis ziska le 25 Oktob 2024, zour ki I ekspekte repas devan Lakour.
Sa zonm I sispe dan plizyer ka vol kin resaman arive dan rezyon Anse Forban, Beau Vallon e Glacis. Antretan Lapolis I kontinyen avek son lanket dan sa bann ka.
Departman Lapolis

Kominike Lapolis

En zonm 37an sorti St Louis ki pa dan en lanplwa, in ganny rimann 14 zour andetansyon lapolis koman sispe dan 2 ka vol dan en laboutik, kin resaman arive dan rezyon Lavil. Sa sispe I ekspekte repas devan Lakour le 29 Oktob 2024.
Departman Lapolis

Kominike Lapolis

10 zonm ki ti lo rimann andetansyon Servis Prizon Sesel. In formelman ganny sarze devan Lakour Siprenm yer bomaten pour lofans relye ek met dife dan en batiman e rayot. Sa lensidan ti ariv le 24 Out 2024 dan Sant Fasilite Rimann Bois De Rose, kot dife ti ganny mete entansyonnelman, apre ki serten lafouy tin ganny fer pli boner dan sa Sant Fasilite Rimann.
Valentino Hoareau aze 26an ek Steven Hoareau aze 25an toule de sorti Belonie, zot in ganny sarze pour lofans Met dife dan en batiman e rayot.
Tandis ki Abdul Aswad aze 42an sorti Barbarons, Darrel Labiche aze 37an sorti Les Mamelles, Michel Athanase aze 41an sorti Baie St Anne Praslin, Ralph Zaphet aze 51an sorti Anse Royale, Tieno Biscornet sorti Belonie, Mervin Zarine aze 28an sorti Ma Constance, Joshua Malbrook aze 31an ek Ian Labrosse aze 28an sorti Perseverance, zot in ganny sarze pour lofans rayot.
Lapolis atraver prosekisyon ti anmenn en mosyon devan Lakour, pou demande ki sa bann aprezan akize, zot ganny garde andetasyon lapolis. Ziz ki ti pe ekout sa ka, in akord demann prosekisyon e ordonnen ki sa bann akize I ganny rimann Prizon Montagne Posse. Sa ka pou repas devan Lakour Siprenm le 28 Oktob 2024, 9er bomaten.
Departman Lapolis

Kominike Lapolis

Dario Joubert aze 20an sorti Les Mamelles, in formelman ganny sarze devan Lakour Mazistra Anse Royale. Sa i dan en ka kas lakaz e vole ki ti ganny raporte avek Lapolis le 5 Oktob 2024 ver 6er 48 bomaten.
Lapolis atraver prosekisyon ti anmenn en mosyon devan Lakour, pou demande, ki Joubert I ganny garde lo rimann andetansyon lapolis, viki I deza ankor annan kes oparavan devan Lakour ki pe espere pou pase, e ki I ti osi fek ganny large Prizon le 7 Septanm 2024. Mazsitra ti la akord demann prosekisyon e rimann sa akize Prizon Montagne Posse ziska le 29 Oktob 2024, zour ki I ekspekte repas devan Lakour.
Departman Lapolis

Kominike Lapolis

4 zonm ki ti lo rimann andetansyon Servis Prizon Sesel. In pas devan Lakour Siprenm yer, kot zot in ganny rimann 14 zour andetansyon Lapolis. Sa I an koneksyon avek en lensidan dife ki ti ganny raporte avek lapolis le 6 Oktob 2024, dan Sant Fasilite Rimann Bois De Rose.
Sa bann sispe I en zonm 39an sorti Perseverance, en zonm 42an sorti Petit Paris, en zonm 32an sorti St Louis ek en zonm 32an sorti Cascade.
Departman Lapolis

Kominike Lapolis

Bann Ka Resan Lasezi Drog deziyenm Semenn pou mwan Oktob 2024.
Swivan sa deryen lasezi drog lo en bato lokal, lo ki 3 zonm Seslwa, sispe dan sa ka, in ganny rimann dan detansyon lapolis. Sa bann sispekte drog swivan ki ti dan 5 silenn gas in osi ganny sezi koman legzibit dan sa ka, sa I ;
Rezinn kanabis :- apepre 142kg.
Zerbaz kannabis: - apepre 53kg.
Eroinn: - apepre 26kg.
Touzour dan son laket dan sa ka, Lapolis in osi yer, le 11 Oktob 2024, anmenn en lot zonm aze 25an sorti dan distrik Beau Vallon, ki trouv sispe dan sa ka, devan lakour kot in ganny rimann. Sa zonm ti ganny arete avantyer, Au Cap, kot son landrwa travay.
Dan bann lezot ka separe, an rezilta bann loperasyon konzwent ant Lapolis e Militer ki ti pran plas le 9 e le 10 Oktob sa lannen, en sonm SCR 180,000/- e apepre 260 gram sispekte kokainn ti ganny sezi dan posesyon en sispe, dan son transpor, dan semen Sans Soucis, le 9 Oktob. Sa sispe I lo rimann dan detansyon lapolis apre ki I ti pas devan Lakour .
Parkont, le 10 Oktob, 5 sispe ti ganny arete e en total SCR 434,725/- ti ganny sezi dan zot posesyon avek sa bann sispekte drog swivan, apepre, 95 gram rezin Kanabis, 20 gram Kokain e 26 gram Eroin. Tou le senk sa bann sispe inn ganny large pandan ki lanket I kontiyen dan sa bann ka.
Lapolis I oule remersye tou son bann partener lokal e enternasyonal osi byen ki tou bann dimoun ki pe kontinyelman ede siport sa lalit kont drog atraver zot kolaborasyon avek Lapolis. Manm piblik pe ganny ankor demande e ankouraze pou kontiyen servi lanir telefonn anonim pour transmet zot lobzervasyon ouswa lenformasyon konfidansyel kont aktivite drog kontrole oubyen bann lezot akt kriminel ki pe pase dan zot kominote
Departman Lapolis

Kominike Lapolis

Lapolis in komans en lanket detaye pou etablir sirkonstans otour en lensidan dife dan Sant Rimann Bois De Rose, yerswar.

Lapolis ti ganny alerte pou lasistans anviron 7er 50 diswar. Dapre rapor inisyal ki lapolis in ranmase sa dife in komans dan en kaso, e ki napa okenn endividi kin ganny dimal anrezilta sa lensidan.

Departman Lapolis

Kominike Lapolis

Jean Louis Marie aze 21an sorti Port Glaud in formelman ganny sarze devan Lakour Mazistra Anse Royale ozordi bomaten pour lofans Menas an servan vyolans.

Marie ti komet sa lofans le 1 Oktob 2024, dan rezyon Port Glaud pou al ver kot "Waterfall" kot I ti menas en zonm avek en bikaw ki ti dan son posesyon. Lapolis atraver prosekisyon ti anmenn en mosyon pour enform Lakour ki Marie, tin kas lord e kondisyon ki sa menm Lakour tin enpoz lo li, dan ban ka oparavan.

Mazistra in ordonnen ki Marie I ganny rimann Prizon Montagne Posse ziska le 18 Oktob 2024.

Departman Lapolis

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000


Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →