Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike (Swivi)

Anrezilta sa 8 tyenm ka aksidan, fatal ki tin arive lo Highway, yer apremidi, kot 3 zenn garson tin perdi zot lavi, e 3 lezot garson tin admit lopital Sesel, kot enn parmi en garson dan son 20 tenn lannen, ki tin admit dan Younit Swen Entansif dan en leta kritik. 
 
In ozordi bomaten desede, dan Younit Swen Entansif.
 
Sa i aprezan fer ki  4 dimoun an total, in perdi zot lavi dan sa enn aksidan. Antretan Lapolis in kontinyen avek son lanket dan sa enn ka.

Kominike

Lapolis I rikord 8 tyenm ka aksidan fatal pour 2025, kin arive ozordi apremidi High Way, viktim I 3 zenn garson.
Plis detay dan en prosen kominike. 

Kominike (Swivi)

Anrezilta sa aksidan Highway, ozordi apremidi, en garson dan son 20 tenn lannen in aprezan admit dan Younit Swen Entansif Lopital Sesel, e son kondisyon in ganny dekrir koman kritik.

Kominike (Swivi)

Lapolis I rikord 8 tyenm ka aksidan fatal pour 2025, kin arive ozordi apremidi High Way, kot 3 zenn garson, in perdi zot Lavi, dan sa enn aksidan. E 2 garson in admit lopital Sesel e zot kondisyon I ase serye. 
 
Sa i en garson 25an sorti Mont Fleuri, en garson 22an sorti Union Vale ek en garson 16an sorti Hermitage. 
 
Dapre rapor inisyal ki lapolis in ranmase, sa aksidan ti enplik trwa transpor, de ki ti pe fer direksyon Erport, e en lot transpor ki ti pe fer direksyon ver Lavil, lo lot kote  semen. Zofisye Lapolis ki tin reponn lapel pour lasistans ti ede administre premye swen dirzans sirplas, akote bann zofisye medikal e zofisye Lazans Servis Tenny Dife Ek Sovtaz ki tin osi bezwen enterveni pour retir 2 endividi ki tin pri dan sa transpor. 
 
Lapolis ti ganny alerte lo sa aksidan ver 13er 15 apremidi pour lasistans. En lanket detaye in komanse dan sa enn ka. 

Kominike (Swivi)

Anrezilta sa enn aksidan, ki tin arive ozordi bomaten Highway, Roche Caiman 4 dimoun tin ganny transporte lopital Sesel pour swen medikal dirzans, kot zot in ganny trete apre plitar ganny large. 
 
Dapre rapor inisyal ki lapolis in ranmase, en transpor ki ti pe fer ver direksyon Providence, ti fer kolizyon avek en lot transpor ki li ti pe fer direksyon ver Lavil, answit kot sa transpor ti al bat, dan en lot transpor ki ti osi pe fer menm direksyon avek li, anrezilta sa kolizyon, en endividi ti pri dan transpor. 
 
Lazans Servis Tenny Dife Ek Sovtaz, tin bezwen enterveni pour retir sa endivi, ki tin pri dan sa transpor.  Lapolis ti ganny alerte lo sa aksidan ver 10er 50 bomaten pour lasistans. En lanket in komanse dan sa enn ka. 

Kominike (Koripsyon Elektoral i en Lofans Kriminel).

Lapolis Sesel i rapel piblik ki i en lofans kriminel anba Lalwa Eleksyon pour okenn dimoun ofer larzan, kado, oubyen okenn form lensitasyon pour enfliyans vot en lot endividi. Okenn lesey pou ‘bribe’ oubyen fors bann voter i minimiz lentegrite prosesis elektoral e i vyol bann prensip eleksyon lib e zis.
 
Bann tel aksyon i ganny pini par lalwa e pou ganny dil avek fermman. Manm piblik i ganny demande pou reste virzilan e raport okenn ka sispe koripsyon elektoral oubyen lenfliyans ki pa neseser avek stasyon lapolis pli pros, oubyen atraver bann mwayen rapor ki’n ganny dezinyen. Lapolis pou fer lanket aprofondi dan tou rapor e pran aksyon apropriye kot i neseser.
Annou nou tou zwe nou rol pou sofgard kredibilite nou bann lenstitisyon demokratik.

Kominike ( Santans Devan Lakour Pour Bann Miner)

En garson 16an sorti St Louis in kondannen devan Lakour Pour Bann Minner dan 4 ka. Sa I pour lofans koz dimal grav en endividi, vole, menas an servan vyolans, e andomaz propriyete.

Ziz in pas sa bann santans swivan lo sa kondannen; I pour anba sipervizyon probasyon aparti le 18 Septanm 2025, ziska le 18 Septanm 2026, I pour bezwen demontre bon konportman dan lakominote, I pour bezwen prezan devan Lakour ler ki I ganny bezwen, I pour bezwen sivre en progranm reabilitasyon ki osi enkli pour drog, kot I pour ganny teste a nenport ki moman, en kouvrefe depi 7er diswar ziska 6er bomaten, e pour pa komet ou ganny sarze avek okenn lofans similer pandan letan ki I deor lo laliberte provizwar anba sirveyans servis Probasyon.

Kominike (Santans Devan Lakour Pour Bann Miner)

En garson 16an sorti Anse Aux Pins, in kondann en lanmann 15mil roupi avek 18 mwan Prizon, kin ganny sispann pour en peryod 2an, devan Lakour Pour Bann Miner. Sa I pour lofans andomaz propriyete.

Sa kondannen ti komet sa lofans le 9 Zen 2021, Anse Aux Pins dan zanmerant en letablisman diverstistman, anrezilta en aksidan ki tin arive, kot transpor ki i ti pasaze ladan, ti fer kolizyon avek en pickup, e anrezilta en largiman kot I ti andomaz konpletman “windscreen” sa pickup.

Si sa kondannen pa arive pey sa kosyon 15mil roupi, I pour deservi en term, 12 mwan Prizon.

Kominike (Santans Devan Lakour Pour Bann Miner)

En garson anba laz sorti dan rezyon Nor Mahe, in kondann en lanmann 15mil roupi, ek en lanmann 20mil roupi, devan Lakour Pour Bann Miner. Sa I dan 2 ka, pour lofans lagresyon fizik lo en endividi.

Sa kondannen ti komet sa lofans le 28 Desanm 2020, Mont Signal, kot I ti bles en adilt avek en gran kouto, e koz li dimal lo serten parti son lekor.

Ziz in ordonenn ki en sonm 15mil roupi an total, I al koman en konpansasyon pour sa viktim. Si sa kondannen pa arive pey sa lanmann 35mil roupi an total, I pou deservi en term 2an Prizon.

Kominike (Santans)

Chanio Kilindo ek Liam Alcindor in kondann en term 2an Prizon devan Lakour Mazistra Anse Royale, kin ganny sispann pour en peryod 2an avek sakenn en lanmann 7mil 500 roupi, ki zot pour bezwen peye avan le 25 Novanm 2025, kot si zot pa peye zot pour deservi en term 6 mwan Prizon.

Kilindo ek Alcindor ti komet sa lofans le 27 Oktob 2024, dan distrik Anse Aux Pins, kot zot ti vol en scooter, e plitar lapolis ti reisi rekiper sa scooter ki tin ganny raporte vole.

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133