En zonm 59an sorti Port Launay, in prezimen noye dan lanmer Port Launay tar yerswar. Lapolis ti ganny alerte lo sa lensidan ver 9er 20 diswar pour lasistans.

Dapre rapor inisyal ki lapolis in ranmase, sa defen tin vin pran en benn mer routinn, kot son fanmiy pa tin vwar li retourn kot lakaz a ler, parey ki ti son labitid, kot zot ti al esey rod li lo lans, kot a en moman donnen zot ti vwar li dan lanmer pa pe reazir. I ti plitar ganny sertifye mor sirplas par patolozis lapolis.

Lapolis in komans en lanket dan sa enn ka, annatandan rapor rezilta letopsi pour etablir sirkonstans otour son lanmor, e departman Lapolis I senpatiz avek manm fanmiy sa defen.

Lapolis in konfirmen ki en zonm 59an sorti Port Launay in prezimen noye dan lanmer, Port Launay la aswar.

Plis detay dan en prosen kominike.

En zonm 27an avek nasyonalite Britanik, sorti Langleter in pas devan Lakour Siprenm ozordi bomaten kot in ganny rimann 14 zour andetansyon lapolis.

Sa I an koneksyon avek en lanket ki lapolis pe fer, kont sa sispe pour lofans, Lenportasyon en drog kontrole, konplo pour enport en drog kontrole e konplo pour trafik en drog kontrole. Sa sispe ti ganny entersepte lo Erport Enternasyonal Sesel, apre son larive abor en vol sorti Addis Ababa le 22 Out 2025, par zofisye Ladwan e Lapolis, kot lapolis in sezi dan son posesyon plizyer pake ki I ann soupsyon I kontenir en drog kontrole.

Kenton Weisner aze 24an avek nasyonalite Sidafriken, sorti Sid-Afrik in pas devan Lakour Siprenm ozordi bomaten kot in formelman ganny sarze pour lofans lenportasyon en drog kontrole.

Weisner ti ganny entersepte lo Erport Enternasyonal Sesel le 8 Out 2025, apre son larive abor en vol Air Seychelles sorti Johanusburg, par zofisye Ladwann e Lapolis, kot Lapolis ti sezi dan son posesyon 17805.20 granm kanabis zerbaz. Lakour in rimann sa akize andetansyon lapolis pour ankor 14 zour.

En zonm 49 sorti Cote Do’r  Praslin. In admit dan Younit Swen Entansif  Lopital Sesel, dan en leta kritik.

Sa I anrezilta en aksidan kin arive dan zanmerant Marie Jeanne Estate, le 23 Out 2025. Lapolis in komans en lanket detaye dan sa enn ka, pour etablir lakoz otour sa enn aksidan.

Alwyn Larue aze 24an sorti Perseverance in formelman ganny sarze devan Lakour Mazistra Ile Du Port, pour lofans koz dimal grav en endividi, ki ti ganny raporte avek lapolis le 20 Out 2025, arive kot son rezidans Perseverance.

Mazistra in larg Larue lo plizyer kondisyon tel ki en kosyon 10 mil roupi pour son laliberte provizwar, sinny liv Lakour dan kordgard Perseverance, 2 fwa par semenn, pou pa enterfer avek konplenan e temwen dan sa enn ka, viki Larue pan reisi akord demann Lakour pour pey sa kosyon 10mil roupi. In ganny rimann Prizon Montagne Posse, ziska le 4 Septanm 2025, zour ki I ekspekte repas devan Lakour.

Alwyn Larue tin resaman kondannen le 5 Out 2025, devan Lakour Mazistra Anse Royale, dan en ka vol, kot parmi ti en santans 2an prizon ki tin ganny sispann pour en peryod 3an avek en kosyon 9mil roupi, ki I ti pour bezwen peye. Mazistra tin avertir Larue ki pandan son term sispann Prizon, ki si I arive komet, ou ganny sarze avek okenn lofans, ki ganny pini par en term Prizon son santans, dan sa enn ka pour vin aktiv otomatikman, kot I pour deservi son term 2an Prizon.

Rhony Baptiste aze 32an in kondann en term 4an Prizon pour lofans kas batiman, e pour vole en term 2an Prizon, avek en lanmann 6mil 500 roupi ki I pour bezwen peye avan le 31 Oktob 2025. Sa ti devan Lakour Mazistra Ile Du Port.

Baptiste ti komet sa lofans le 6 Mars 2025, ver 11er diswar kot I ti kas en batiman dan rezyon Perseverance e vol plizyer

Shane Tolfree aze 29an sorti Turtle Bay, Au Cap in kondann 2an Prizon devan Lakour Mazistra Anse Royale, kin ganny sispann pour en peryod  2an, avek en lanmann 9mil roupi. Sa I dan ka okazyonn dimal grav en endividi.

Tolfree ti komet sa lofans le 8 Zanvye 2021, kot I ti fizikman agres en endividi, ki tin trespas son propriyete ilegalman avek lentansyon pour vole.

En zonm 29 an sorti Anse Royale in ganny arete, pas atraver bann prosedir legal, e plitar ganny large. Sa i an rapor avek en lofans kot i ti akt dan en fason neglizans, ki ti lakoz en dife pour detri en gran bout veditasyon. Lazans Servis Tenny Dife ek Sovtaz ti bezwen entervenir pour tenny sa dife. Sa lensidan ti ganny raporte avek Lapolis le 20 Out 2025.

Dan en lot ka separe, ki ti ganny raporte avek Lapolis yer apremidi dan distrik Glacis, en zonm 73 an in osi pase atraver bann prosedir legal, e plitar ganny large. Sa osi i konsern en lofans kot en dife ti detri en bout veditasyon akoz aksyon neglizans.

Dan toulede ka, Departman Lanvironnman in pran aksyon lo zot kote e sarz sa 2 endividi avek en lanmann.

I enportan note ki restriksyon pour met dife ti antre an fors depi Lendi le 11 Out 2025, e i ekspekte reste an plas ziska lafen Oktob 2025, sa depan lo kondisyon letan. Nenport dimoun ki met dife pandan sa peryod pe komet en lofans, e i kapab ganny en lanmann ki sorti ant 500 roupi ziska 1,500 roupi.

Departman Lapolis pe lans en lapel avek tou dimoun pour respekte sa restriksyon pour evit lezot lensidan dife. Sa bann aksyon neglizans i kout bokou resours pour kapab met en dife lafore anba kontrol e i kapab anmenn retar dan bann lezot ka kot dimoun ti a bezwen lasistans imedyat.

Robinson Agnes in kondann 5 mwan Prizon devan Lakour Mazistra Anse Royale, pour lofans lensilt anver en endividi, avek lentansyon pour denigre li. “ Insulting the modesty of a person”.

Agnes ti komet sa lofans le 12 Me 2021, Anse Royale kot I ti fer en lensilt anver en zofisye lapolis, ki ti pe desarz son responsabilite, apre ki I tin reponn lapel pour lasistans lo en scene.