En zonm 42an avek nasyonalite Endyen ki ti pe travay Sesel lo en Permisyon Travay (GOP), ki ti pe reste Beau Vallon ti ganny arete yer apremidi lo lans Beau Vallon.

Sa ti an koneskyon avek en rapor ki lapolis tin resevwar yer ver 4er 45 apremidi, kot sa sispe ti pe fer serten aksyon lo sa lans, Aparaman i tya pe maske e tir portre bann zenn fiy e madanm dan Bikini. Swivan sa rapor, e lanket dan sa ka, in konfirm aksyon ki sa endivi ti pe fer.

Departman Lapolis I fortman kondann bann tel aksyon parey e pe demann manm piblik pou raport bann tel lensidan parey letan ki I arive. I enportan pou annan en rapor ofisyel ki lapolis I kapab reakte lo la, tel ki parey dan sa enn ka.

Departman Lapolis.

Lapolis in konfirmen ki in annan en lensidan rayot kot prizon kin konmanse yer apremidi apre ki lotorite konsernen tin deside pou separ en kondannen apele Stephen Mondon. An rezilta sa, retaliasyion in ganny fer par detwa kondannen kont 1 “Chief Inspector” Gard Prizon tin ganny pran an otaz . Ranfor adisyonnel ti ganny fer kot rayot in kontinyen pandan lanwit ziska granmaten kot malerezman noun aprann lanmor en kondannen. I osi annan blesir parmi bann prizonyen kin enplike e lafors sekirite.

En lanket inn komanse pou etablir sirkonstans otour sa lensidan.

Departman Lapolis

Departman Lapolis

Le 29 Novanm 2024, en zonm aze 66an sorti dan rezyon Anse Boileau, ki ti lo rimann in kondann 15an Prizon an total pou plizyer ka relye ek labi seksyel.

Ziz ki ti pe ekout sa ka, in pran plizyer konsiderasyon avan pas santans lo sa akize, tel ki; Sa akize in pled koupab a son premye lenstans ki fer I pann gaspir letan Lakour, Ziz in ordonnen ki letan ki sa akize in fer lo rimann, I ganny dedwir lo son santans.

Departman Lapolis

Kaleb Cainan aze 15an in kondann 18 mwan Prizon, ek en lanmann 20mil roupi ki i pou bezwen peye.

Ziz ki ti pe ekout sa ka, in ordonnen ki son santans 18 mwan Prizon, I ganny sispann pou en peryod 18 mwan, e ki dan sa lanmann 20mil roupi en sonm 16mil roupi ladan i al koman en konpansasyon pou sa viktim dan sa ka, kot si Cainan pa arive pey sa kosyon 20 mil roupi I pou deservi en term 12 mwan Prizon.

Cainan ti komet sa lofans le 9 Zilyet 2023 dan rezyon Belombre kot i ti vol en Scooter, ki tin park lo en propriyete prive.

Departman Lapolis

Rohnny, Christian Baptiste aze 32an, ki travay koman en zournalye sorti Perseverance. In formelman ganny sarze devan Lakour Mazistra dan en ka kas lakaz e andomaz propriyete.

Mazistra ki ti pe ekout sa ka, in larg Baptiste lo sa bann kondisyon swivan; pou sinny en "Bail Bond" 10mil roupi pou asir son prezans devan Lakour a sakfwa son ka pe ganny ekoute, en kouvrefe depi 6er 30 diswar ziska 6er 30 bomaten, pou pa komet okenn lofans similer pandan letan ki I deor lo laliberte provizwar.

Departman Lapolis

Gervaise Croise aze 28an, ki en Peser sorti dan distrik Mont Buxton, ki tin formelman ganny sarze devan Lakour Siprenm semenn pase e ganny rimann, andetansyon lapolis. In yer bomaten repas devan Lakour Siprenm ansanm avek lot sispe dan sa ka, Keddy Agnes aze 31an sorti Mont Plasir dan distrik Anse Royale ki travay koman en zofisye Servis Piblik. Keddy Agnes In aprezan formelman ganny sarze devan Lakour Siprenm pour lofans koz dimal grav en endividi.

Ziz Lakour Siprenm, ki ti pe ekout sa ka in larg Gervaise Croise ek Keddy Agnes, lo sa bann kondisyon swivan; kot zot tou le de pour bezwen pey en total 100mil roupi kosyon pour zot laliberte provizwar sakenn, tou le de pou bezwen sinny en “ Bail Bond” 80 mil roupi sakenn, pou remet zot paspor ek bann dokiman vwayaz avek Lakour, pou raport dan en kordgard pli pros pou sinny Liv Lakour 2 fwa par semenn, pou pa enterfer avek temwen dan sa ka, en kouvrefe depi 6er diswar ziska 6er bomaten, pou pa apros 10 met avek konplenan dan sa ka. Ziz in osi fer en lord pour ki Gervais, pa ganny dwa pas dan distrik Point Larue e Anse Boileau ziska ki sa ka I fini ganny ekoute.

Gervaise Croise pann reisi akord demann Lakour pou pey sa kosyon 100mil roupi ki fer, I aprezan ganny rimann Prizon Montagne Posse ziska ki I kapab fer sa peyman, si I ariv peye. I pou ganny large e I pou bezwen sivre sa bann kondisyon ki Ziz Lakour Siprenm in enpoz lo li, tandis ki Keddy Agnes li in fini pey son kosyon 100mil roupi.

Lapolis ti ganny alerte lo sa lensidan le 10 Novanm 2024, ver 8er 20 diswar ki tin ariv kot en Letablisman diverstisman dan rezyon Anse Royale.

Departman Lapolis

2 zonm enn aze 33an e lot 38 an, tou le de sorti dan distrik Anse Aux Pins, in ganny rimann 14 zour andetansyon Lapolis koman sispe dan en ka vol, kot plizyer bizou lor in ganny raporte vole dan en lakaz Turtle Bay, Au Cap. Estimen en valer en ti pe plis ki 150 mil roupi. Dan sa ka lapolis in reisi rekiper mazorite sa bann propriyete ki tin ganny raporte vole.

Sa I dan ka kot, le 23 Novanm 2024 dan ver 3er 23 bomaten, apre ki bann zofisye lapolis sorti Stasyon Anse Aux Pins, ki ti lo patrol ti apersevwar 3 German Shepherd dan zanmerant Reef Holiday Home Apartment pe vir vire lo semen dan sa zanmerant, kot sa bann zofisye ki anmas zot, e met zot dan en landwa sekirize, kot plitar bomaten Lapolis ti resevwar en rapor, ki en lakaz tin ganny kase dan zanmerant Turtle Bay, Au Cap, e sa 3 German Shepherd ti pou sa konplenan dan sa ka.

Departman Lapolis

Seebert Bonne aze 60an, ki pa dan en lanplwa sorti Grand Anse Mahe. In formelman ganny sarze devan Lakour Mazistra Anse Royale dan en ka vol.

Mazsitra, ki ti pe ekout sa ka in larg Bonne lo sa bann kondisyon swivan; pou pey en kosyon 9 mil 500 roupi avan le 10 Desanm 2024, sa i pour sekiriz son kondisyon laliberte provizwar, pour sinny Liv Lakour dan kordgard Anse Boileau 2 fwa par semenn, e pou pa enterfer avek temwen dan sa ka.

Seebert Bonne, ti komet sa lofans le 14 Novanm 2024 ver 12:21 apremidi lo lans Grand Anse Mahe, kot I ti vol sak en viziter ki ladan ti kontenir plizyer propriyete personnel tel ki larzan, telefonn, kart banker. Zofisye Lapolis ki tin reponn lapel pou lasistans ti reisi aret sa sispe menm zour, e mazorite propriyete ki tin ganny raporte vole ti ganny rekipere dan posesyon sa akize.

Departman Lapolis

Prakash Chetty aze 35an, ki en biznesmenn sorti Plaisance in formelman ganny sarze devan Lakour Mazistra dan 2 ka. Sa I pou lofans menas an servan vyolans ek lagresyon fizik lo en endividi.

Mazistra ki ti pe ekout sa ka, in larg sa aprezan akize san okenn kondisyon. Sa ka pou repas devan Lakour Mazistra le 6 Desanm 2024.

Departman Lapolis