Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike Lapolis

Lapolis i rikord 3yenm ka aksidan fatal pour 2025.

En zonm 28an sorti Takamaka. In perdi son lavi dan en aksidan fatal Barbarons tar yerswar. E en garson 23an osi sorti Takamaka ki ti pasaze, li in admit lopital Sesel, e son kondisyon I stab. 

Lapolis ti ganny alerte lo sa aksidan ver 8er 15 diswar pour lasistans, dapre rapor inisyal ki lapolis in ranmase sa transpor ti pe fer direksyon ver Grand Anse o moman sa aksidan.

Lapolis in komans en lanket detaye dan sa enn ka, annatandan rapor rezilta letopsi pou determin lakoz e sirkonstans otour son lanmor.

Departman Lapolis

Kominike Lapolis

En garson 20an sorti La Retraite in admit dan Younit Swen Entansif Lopital Sesel e son kondisyon in ganny dekrir koman kritik. E en garson 16an sorti Copolia li i ankor anba lobzervasyon Lopital Sesel. 

Sa I anrezilta en aksidan kin enplik de moter kin arive ozordi granmaten anfas Sant Lasante Larivyer Anglez.

Lapolis ti ganny alerte lo sa aksidan ver 1er 55 bomaten pour lasistans, e en lanket detaye in komanse dan sa enn ka.

Departman Lapolis

Kominike Lapolis

En zonm 54an sorti Glacis in ganny vwar mor ozordi bomaten lobor semen Glacis.
Lapolis ti ganny alerte lo sa lensidan ver 8er bomaten pour lasistans. En lanket in komanse dan sa ka annatandan rapor rezilta letopsi pou determin sirkonstans otour son lanmor.
Departman Lapolis

Kominike Lapolis

Lapolis i rikord premye ka aksidan fatal pour 2025.
En zonm 31an sorti Ma Constance, in perdi son lavi ozordi granmaten, anrezilta en aksidan kin arive dan zanmerant Ron Pwen, anfas Inter Island Quay.
Lapolis ti ganny alerte lo sa aksidan ver 2er 33 bomaten pour lasistans. En lanket detaye in komanse dan sa enn ka pou etablir sirkonstans otour sa aksidan.
Departman Lapolis I partaz son senser kondoleans avek manm fanmiy sa viktim.
Departman Lapolis

Kominike Lapolis

Lapolis in konfirmen ki sa bato ki tin ganny raporte manke pli boner, ki abor ti annnan 2 zonm Seselwa in ganny retrouve sen en sof par en bato lapes ki ti dan zanmerant zil Fregate. Sa bato ek sa 2 lekipaz ti antre dan rezyon Anse Royale ozordi apremidi.
Dapre rapor inisyal ki lapolis in ranmase, sa bato ki ti andetrese tin rankontre problenm masin an mer. Departman Lapolis I oule remersye manm lekipaz sa bato Peser kin reisi fer Softaz sa bato ki ti an detrese.
Departman Lapolis

Kominike Lapolis

Lapolis in komans en lanket detaye dan lanmor en pti baba 3an avek nasyonalite Ikrenyen kin arive Eden Island kot en villa.
Dapre rapor inisyal ki lapolis in ranmase. Sa pti baba ti ganny dekouver dan en swimming pool pa pe reazir, kot i ti ganny transporte lopital Sesel kot i ti ganny sertifye mor.
Departman Lapolis

Kominike Lapolis

En zonm 31an sorti Corgate Estate dan distrik Mont Fleuri. In ganny rimann andetansyon lapolis, ziska le 27 Zanvye 2025, zour ki I ekspekte repas devan Lakour.
Sa zonm I sispe dan en ka, ki lapolis pe fe lanket ladan pour lofans ilegalman koz dimal grav en endividi, ki ti ganny raporte avek lapolis le 18 Zanvye 2025.
Departman Lapolis

Kominike Lapolis

Louna Moustache aze 48an ki travay koman en cleaner ek Cynthia Moustache aze 26an, ki pa dan en lanplwa, tou le de sorti Anse Genets, Pointe Larue. In formelman ganny sarze devan Lakour Mazistra Anse Royale yer, dan en ka pour lofans enterfer avek louvraz en zofisye lapolis.
Sa sispe 15an li in ganny large, kot I ekspekte ganny sarze plitar, parey sa sispe zonm 55an ki li I ankor admit Lopital Sesel.
Mazistra ki ti pe ekout sa ka, in larg sa 2 akize lo sa bann kondisyon swivan; kot sakenn pou bezwen pey en kosyon 5mil roupi avan le 5 Fevriye 2025, pou sinny Liv Lakour dan kordgard Anse Aux Pins tou le Vandredi ant 4er apremidi a 6er diswar, pou pa komet okenn lofans similer pandan letan ki zot pou deor lo laliberte provizwar, pou prezan devan Lakour a sak fwa zot ka, pe ganny ekoute.
Sispe prensipal dan sa ka, sa zonm 32an ki ti ganny arete dan plafon. Li in ganny rimann 14 zour andetansyon lapolis, ziska le 29 Zanvye 2025, zour ki I ekspete repas devan Lakour.
Sa lensidan ti ariv Vandredi le 17 Zanvye 2025, aswar e nou ti raport lo la Sanmdi.
Departman Lapolis
 

Kominike Lapolis

En zonm 40an sorti Beau Vallon avek nasyonalite Kenyann. In prezimen noye dan lanmer Beau Vallon ozordi apremidi.
Lapolis ti ganny alerte lo apremidi pour lasistans, apre ki 3 zonm tin ganny apersevwar andetres dan lanmer, kot 2 parmi ti reisi ganny sove. Sa zonm ti ganny transporte lopital Sesel pou swen medikal dirzans kot plitar I ti ganny sertifye mor.
En lanket in komanse dan sa enn ka.
Departman Lapolis

Kominike Lapolis

6 dimoun in ganny arete yerswar, parmi i en miner aze 15an. E en zonm 55an li in admit lopital Sesel, e son kondisyon I stab. Sa ti anrezilta en lensidan kin arive Point Larue, kot en group zofisye lapolis ti ganny menase e atake.
Sa lensidan ti ariv apre ki en group zofisye lapolis tin mobilize pou fer larestasyon lo en zonm 36an sorti Point Larue, ki ti ganny bezwen par lapolis an koneksyon avek plizyer ka vol ki lapolis pe fer lanket ladan,
bann manm fanmiy ki ti pe kasyet li, ti anpese ki bann zofisye lapolis i aret sa sispe, kot plizyer fanmiy tin groupe e menas sa bann zofisye lapolis avek gran kouto e plizyer lobze, pou anpese ki sa sispe I ganny arete.
Lapolis ti bezwen rod ranforsman e sispe prensipal ti ganny arete dan plafon.
Sa bann sispe i ekspekte aparet ankour Lendi Bomaten. Departman Lapolis I fortman kondann bann tel aksyon parey anver son bann zofisye, e en tel aksyon parey pa pou ganny tolere. Lapolis i oule fer rapel manm piblik ki en lofans pou abrit en endividi ki ganny bezwen par lapolis.
Departman Lapolis

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133