Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike (Swivi)

Lapolis in komans en lanket detaye annatandan rapor rezilta letopsi pour etablir sirkonstans, e vre lakoz otour lanmor en zonm Seselwa, aze 46an sorti Bougenville dan distrik Anse Royale ki ti ganny dekouver dan en kap ros, lo lans Fairy Land, Anse Royale ozordi bomaten. 
 
Lapolis ti ganny alerte lo sa dekouvert ver 10er 50 bomaten pour lasistans. Sa ti apre ki en zofisye Tourism Police, dan pe fer son patrol routinn, lo sa morso lans, ki ti fer sa dekouvert dan en kap ros, kot zofisye medikal tin osi reponn lapel pour lasistans, kot sa msye ti ganny sertifye mor sirplas par patolozis lapolis.

Kominike (Swivi)

Lapolis in komans en lanket detaye annatandan rapor rezilta letopsi pour etablir sirkonstans otour lanmor en zonm 93an, sorti Le Niole, semen Dan Galla kin ganny dekouver dekonpoze dan son lakaz, ozordi bomaten. 
 
Lapolis ti ganny alerte lo sa dekouvert ver 10er 20 bomaten pour lasistans, apre ki bann endividi tin santi en loder abnormal pe sorti kot en lakaz. 

Kominike

Lapolis in komans en lanket detaye, annatandan rapor rezilta letopsi, pour etablir sirkonstans otour lanmor en zonm 67an, avek nasyonalite Espanyol kin arive ozordi bomaten lo zil 
Grand Sauer.
 
Dapre rapor inisyal ki lapolis in ranmase sa zonm, ki ti akonpannyen avek lezot son bann koleg, tin fek ariv lo Zil Grand Sauer, abor e bato ekskirsyon, kot zot ti pe prepare pour al " snorkeling " , o moman kot enn son bann koleg, ti apersevwar li pa pe reazir. 
 
Sa zonm ti answit ganny transporte kot lopital St Merry's, La Digue pour swen medikal dirzans, kot I ti plitar ganny sertifye mor, par dokter kot sa sant lasante. Lapolis ti ganny alerte lo sa lensidan ler 11er 49 bomaten.

Kominike

Lekor en zonm, kin dekonpoze in ganny dekouver dan en lakaz Le Niole. 
 
Lapolis ti ganny alerte lo sa dekouvert ver 10er 26 bomaten pour lasistans.
 
Plis detay dan en prosen kominike. 

Kominike

Lekor en zenn-om in ganny dekouver dan en kap ros, lo lans Fairy Land. 
 
Lapolis ti ganny alerte lo sa dekouvert ver 10er 50 bomaten pour lasistans. Sa ti apre ki en zofisye Tourism Police, dan pe fer son patrol routinn, ti fer sa dekouvert. 
 
Plis detay dan en prosen kominike. 

Kominike konsernan restriksyon lo lavant lalkol zour eleksyon 27 Septanm 2025.

Lapolis Sesel an kolaborasyon avek Lotorite License Sesel e biro Eleksyon pe enpoz serten restriksyon konsernan lavant lalkol zour eleksyon, le 27 Septanm, 2025. Sa restriksyon pou pran lefe depi 11er diswar Vandredi le 26 Septanm,2025 e termin 8er edmi bomaten Dimans le 28 Septanm 2025, amwen ki lotorite i deside agrandi sa ler lo restriksyon lavant lalkol. Sa restriksyon i aplikab lo Mae, Pralen e La Dig.

Sa restriksyon i pou tou vander laboutik, operater bann bar piblik ki enkli bann bar ki vann kalou, lapire e baka, bann landrwa divertisman parey "Casino",bann landrwa lanmizman parey "discotheques" e menm bann landrwa ki annan bann manm anrezistre.

Sa mezir pe ganny met anplas pou ki sa eleksyon i deroul dan lord e lape e kot tou sitwayen i kapab egzers son drwa avek en konsyans kler.

Parkont, sa restriksyon pa aplik pou bann lotel e "guest house" e lezot akomodasyon touristik. Zot kliyan ki pe reste dan sa bann letablisman pou kapab konsonm lalkol zis dan premiz sa bann letablisman. Manm piblik pou napa drwa al konsonm lalkol lo oken bar kot okenn sa bann letablisman kin ganny mansyonnen pli o. Manm piblik e bann dimoun ki annan sa bann biznes pe ganny demande pou respekte sa regilasyon.

T.Barbe (Mr.)
Komisyoner Lapolis Sesel

Kominike (Swivi)

Sa sispe zonm 52an sorti Copolia, ki ti pe ganny deteni andetansyon Lapolis, koman sispe dan ka lanmor en zonm 71an sorti Eden Village ki ti arive le 20 Septanm 2025, Roche Caiman. In ozordi bomaten pas devan Lakour Mazistra, Ile Du Port lo en aplikasyon lenkstansyon rimann, sa ti pour lofans okazyonn lanmor en endividi par dray dan en fason danzere ou neglizans.
 
Mazistra ki ti pe ekout sa ka, in akord demann prosekisyon e rimann sa sispe 3 zour andetansyon Lapolis, kot i ekspekte repas devan Lakour Zedi. Tandis ki sa madanm 49an sorti Beau Vallon li in ganny large.
 
Dapre rapor inisyal ki lapolis tin ranmase, sa defen ti pe travers semen, an sortan ver direksyon borlanmer, pour al ver Lekol Plaisance segonder, kot i ti ganny tape avek en transpor ki ti pe fer direksyon ver Lavil, ki ti kontinyen ale san arete, kot en lot transpor ki ti osi pe fer menm direksyon ver lavil, ti mont lo sa defen, kot i ti pri anba transpor.
 
Lazans Servis Tenny Dife Ek Sovtaz ti entervenir pour lasistans, kot sa defen ti ganny sertifye mor sirplas plitar par patolozis lapolis. E lanket I an progre dan sa enn ka, annatandan rapor rezilta letopsi pour etablir sirkonstans otour lanmor sa zonm.

Kominike 

Lapolis in komans en lanket detaye annatandan rapor rezilta letopsi pour etablir sirkonstans otour lanmor en zonm 64an, sorti Quincy Village kin ganny dekouver dekonpoze dan son lakaz, ozordi tar apremidi. 
 
Lapolis ti ganny alerte lo sa dekouvert ver 5er 20 apremidi pour lasistans, apre ki bann endividi tin santi en loder abnormal pe sorti kot en lakaz. 

Kominike (Swivi)

Lapolis in rikord 7 tyenm ka aksidan fatal pour 2025, kin arive yerswar Roch Caiman, kot en zonm 71an sorti Eden Village in perdi son lavi dan sa aksidan. 
 
En zonm 52an sorti Copolia in ganny arete ozordi bomaten, e en madanm 49an sorti Beau Vallon ki tin ganny arete yerswar, pe ganny deteni koman sispe, dan sa ka pour lofans okazyonn lanmor en endividi par dray dan en fason danzere ou neglizans.
 
Dapre rapor inisyal ki lapolis in ranmase, sa defen ti pe travers semen, an sortan ver direksyon borlanmer, pour al ver Lekol Plaisance segonder, kot i ti ganny tape avek en transpor ki ti pe fer direksyon ver Lavil, ki ti kontinyen ale san arete, kot en lot transpor ki ti osi pe fer menm direksyon ver lavil, ti mont lo sa defen, kot i ti pri anba transpor.
 
Lazans Servis Tenny Dife Ek Sovtaz ti entervenir pour lasistans, kot sa defen ti ganny sertifye mor sirplas plitar par patolozis lapolis. En lanket detaye in komanse dan sa enn ka, annatandan rapor rezilta letopsi pour etablir sirkonstans otour lanmor sa zonm.

Kominike

En zonm 30an sorti Plaisance in ganny transporte lopital Sesel pour swen medikal dirzans, anrezilta en lensidan kin arive ozordi bomaten Plaisance, kot in ganny blesir grav lo plizyer parti son lekor pandan ki I ti pe fer en travay.
 
Lapolis ti ganny alerte lo sa lensidan ver 10er 25 pour lasistans. En lanket in komanse dan sa enn ka. 

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133