Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (447)

En zonm 37 an sorti St Louis in ozordi bomaten formelman ganny sarze devan lakour Mazistra pou lofans vol. Lakour in larg sa aprezan akize lo en “Bail Bound ” 10mil roupi osibyen ki lezot kondisyon tel ki, I pou bezwen raport kordgard santral 3 fwa par semenn e pa repet en tel lofans parey pandan letan ki I lo laliberte provizwar.

 

Dan en lot ka separe devan lakour siprenm sa menm akize ansanm avek en lot zonm 34 an sorti Mont Buxton in formelman ganny sarze pou lofans vol an servan vyolans ki ti ganny raporte avek lapolis le 12 Fevriye 2022 ver  8er 26 diswar kot en marsan ti ganny atake dan son laboutik dan Lari bazar.

Lapolis atraver biro atorni zeneral, prosekisyon in demande  ki sa 2 akize I ganny rimann pou 14 zour prizon Montagne Posse e  ziz in akord sa demann ki vedir  sa 2 akize pou aprezan reganny anmenn ankour le 30 Mars 2022.

35 maren endyen in ganny rimann pou lapes ilegal dan lanmer Sesel.

Lapolis in raporte ki en total 32 manm lekipaz avek 3 patron ti ganny anmenn devan lakour Siprenm semenn pase, le 8 Mars kot zot in ganny rimann koman sispe pou lapes ilegal dan lanmer Sesel.

2 parmi sa 3 bato ti ganny vwar pe lapes dan Zone ekonomik eksklisiv Sesel le 5 Mars tandis ki lot ti ganny trouve le 6 Mars.

Lo enn sa  bato apele “Dono” ti annan 10 manm ek en patron, tandis ki lo “Stsnabaka Arulapper” ek “Infant Jesus”  ti annan 11 manm lekipaz ek en patron sakenn.

Angaze dan loperasyon deteksyon e eskor sa 3 boto lapes Mahe ti personel Sant Loperasyon Maritim Gard lakot Sesel, tandis ki lenspeksyon e lasezi ekzibit ki enkli materyo lapes ek pwason ki tin ganny atrape ti antreprann par Lapolis e zofisye lotorite lapes Sesel ki pe fer lanket dan sa ka.

Tou le 35 sispe ki annan nasyonalite endyen pou repas ankour le 22 Mars

 

En zonm I ganny sarze pou plizyer lofans kriminel lo La Digue.

En zonm 25 an sorti La Digue ki tin ganny arete konman sispe dan plizyer lensidan kin arive kont son ansyen konpany lo La Digue ant le 09- 14 Mars 2022 in ganny anmenn ankour  ozordi bomaten kot

in formelman ganny sarze pou sa bann lofans swivan.

·        Vol

·        Lagresyon fizik kin koz dimal lo en dimoun

·        Posesyon en lobze ofansiv

·        Tretman vyolans

·        2 ka trespas kriminel

 

Lakour Mazistra in rezet laplikasyon bail pou ki sa akize I ganny large lo laliberte provizwar e rimann li prizon Montage Posee pou 14 zour.

En fiy 16an sorti Anse Royale e en madanm 29an sorti Anse Aux Pins ti ganny transporte lopital pou swen medikal swivan en aksidan Point Au Sel granmaten ozordi, Lapolis ti ganny alerte lo sa aksidan ver 2:50.
 
Sa transpor ki ti pe fer direksyon Anse Royale avek 5 pasaze ladan ti bat avek en miray e answit savir lo semen, sa akisdan ti arive apre ki drayver sa transpor ti ganny en lagirman avek en pasaze.
 
Sa Fiy 16an in ganny trete apre ganny large tandis sa Madanm 29 an li in admit lo ward lopital Sesel e son kondisyon in ganny dekrir konman stab. Lapolis pe fer lanket dan sa ka aksidan.  
Lapolis ti ganny alerte ver 4er 10 apremidi par en dimoun ki en Msye tin tonbe lo lans North East Point e i pe rod led. Lasistans medikal ti ganny mobilize pou reponn lapel me annarivan lo teren sa Msye pa ti pe "respond".
 
Sa Msye 34 an i annan nasyonalite Nizerien i ti pe reste kot Night Shelter North East Point. I ti ganny sertifye mor ver 5er apremidi par patolozis lapolis.
 
Lenformasyon preliminer ki lapolis in resevwar ki sa Msye ti annan serten kondisyon medikal e malad leker.
 
Lapolis in konmans en lanket annatandan rapor rezilta letopsi.
En zonm 33 an sorti Bougenville in ganny arete ver 4er 15 ozordi apremidi dan zanmerant en laboutik Anse Royale par en group zofisye lapolis ki ti lo patrol.
 
Swivan en lafouy fer lo sa sispe, 
Lapolis ti dekouver dan son posesyon serten kantite zerbaz konprese lapolis i soupsyonnen i drog kontrole e ki i ti pe fer tranzaksyon ilegal. 
 
Lapolis in konmans en lanket dan sa ka.

Sa 3 sispe ki ti ganny arete yer swivan sa lensidan kot stasyon lapolis Port Glaud in ganny anmenn devan lakour mazistra Anse Royale ozordi bomaten  kot lakour in akord demann lapolis pou ki sa sispe madanm aze 32 an e son konpany aze 33an toulede sorti Port Launay I ganny garde an detansyon lapolis pou 10 zour , tandis sa lot zonm 25 an li I ganny garde an detansyon pou 14 zour kot Sant Rimann Bois De Rose.

Lapolis I kontinyen avek son lanket dan sa ka.

Lapolis pe konfirm idantite sa Seselwa kinn ganny arete ansanm avek 7 lezot Iranien lo en bato dan lanmer Arabia lo ki ti annan en gran kargezon drog lo la yer.
 
Sa zonm se Msye Alex Zelime sorti distrik Cascade aze 48 an plis lenformasyon lo sa devlopman  ava ganny kominike anmezir ki i ganny resevwar. 
En madanm 58 an sorti Roche Caiman in prezimen noye dan lanmer Point Aux Sel dan zanmerant Crown Beach tar ozordi apremidi.
 
Lapolis ti ganny alerte lo sa lensidan ver 4er 21 apremidi. Sa madanm ti answit ganny sertifye mor ver 5er 28 apremidi par patolozis lapolis en lanket in konmanse dan sa ka annatandan rapor rezilta letopsi.

En zonm 32 an avek en lot 42 an sorti Port Launay in ganny arete, pase atraver serten prosedir lanket, ganny severman averti an ekri pou gard lape antretan ki Lapolis i kontinny travay pou konplet ka an relasyon avek lofans  lager avek kamarad e tretman vyolans.

Sa ka ki lapolis pe referans avek I annan pou fer avek sa video  an sirkilasyon ki montre 2 zonm angaze dan en bagar lo Lans Port Launay, en lensidan raporte arive tar bomaten sanmdi le 19 Fevriye.

Lapolis pe raporte ki Shawn Barbe en garson 14 an sorti Takamaka in mor anrezilta en aksidan ki enplik en bisiklet Anse Forban. 
 
Sa garson tin sorti direksyon Qautre Borne Takamaka lo en bisiklet pe desann ver Anse Royale
kot i ti fer kolizyon avek en loto ki ti pe fer direksyon anmontan Takamaka.
 
Lapolis ti ganny alerte lo sa aksidan ver 4er 22 apremidi Lendi 21 Fevriye. Sa garson ti ganny sertifye mor annanrivan kot sant lasante Anse Royale ver 4er 55 apremidi, en lanket in konmanse dan sa ka.

Communiqué Filter

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31