Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (447)

Lapolis i konfirm lanmor sa Msye Alman aze 68 an ki tinn ganny raporte manke Praslin depi Merkredi. Sa dekouvert ti ganny fer ozordi tar apremidi par en group 2 sivilyen asiste par lekip " pilot drone lapolis " kin angaze dan sa loperasyon depi Zedi. Lekor sa Msye ti ganny vwar dan en ranpar dan boursay lwen avek trail Anse Georgette.
 
En lanket in konmanse dan sa ka annatandan rapor rezilta letopsi pou etablir sirkonstans otour lanmor sa Msye 68an.

En garson 19 an in ozordi apremidi ganny tape par en Picanto vye model  kouler nwanr Barbarons Estate dan zanmerant stasyon delo PUC an desandan avan ariv kot depo bis SPTC.

Sa aksidan kot sa Picanto pann arete pou get son viktim ti ariv ver 1:20 apremidi.

Sa garson ki ti pe konplent douler dan likou, lebra, ledo ek lazanm in resevwar tretman lopital Sesel apre ganny large e lapolis pe demann nenport dimoun ki annan lenformasyon lo sa Picanto pou kontakte son sant komann oubyen stasyon lapolis Anse Boileau.

 

En zonm 50 an parkont li in admit lo ward lopital Sesel avek felir dan latet swivan en bagar kin arive obor kot en landwra divertisman dan Victoria yer swar. Sispe dan sa lensidan pakor ganny arete e lanket I an progre dan sa ka.

En zonm 33 an sorti rezyon lavil in ganny anmenn devan lakour Siprenm yer apremidi pou 2 ka labi sesksyel lo en zanfan anba laz. 
 
Ziz in ordonen ki sa sispe i rimann prizon Montagne Posse ziska le 
14 Avril 2022 kot i espkete re ganny anmenn ankour.

En viziter alman aze 61 an ti ganny retrouve par 2 sivilyen apre ki I tin raporte perdi semen lo “trail Cherimon”  sorti Anse Lazio pou al Anse Georgette Praslin yer Merkredi apremidi, tandis ki resers pou retrouv son koleg , en lot alman aze 68 an I kontinnyen.

Sa 2 viziter ki pe reste Lotel  Berjaya Cote Dor ti ariv dan pei le 27 Mars e zot sipoze kite le 14 Avril. Zot tin kit lotel ver 9:40 yer bomaten pou al Anse Georgette e lapel pou laistans ti fer atraver lalinny dirzans sant komann lapolis par sa enn kin ganny retrouve  ver 3:00er apremidi.

Dapre sa enn kin ganny retrouve, I tin kit son dalon lo kwaze cherimon ek Chenai e ler I pann trouv son dalon rezwenn li pli devan I ti kriye e averti li pou retroun lotel. Plitar ler li a so tour I tin perdi semen I kriye pou lasistans e sete la ki sa 2 sivilyen in tande e sov li kot apre lapolis ki tin ganny deplwaye ti etablir kontak ek zot lokasyon, zwenn zot e retourn avek sa alman kot lotel.

Rapor ki sa lot alman pa ti ankor retourn kot lotel ti fer avek lapolis ver 7:15 par manager lotel e la ankor ennfwa, lapolis asiste par 3 sivilyen ti retourn lo “trail” Cherimon ek Chenai pou loperasyon resers ziska 2er bomaten, pran e poz e repran ankor 5:30 bomaten.

 Angaze dan sa loperasyon resers ki ankor an progre I osi annan lisyen ek pilot ‘drone’ kin egalman angaze dan resers pou retrouv Michel Estrale sorti Le Niole e ki ankor manke ziska prezan.

En zonm 49 an sorti La Digue in ganny anmenn devan lakour Mazistra yer kot in formelman ganny sarze pou 2 ka “Idle and disorderly person” e 1 ka akt endesan dan stasyon lapolis.  Sa akize in konmet sa bann lofans tou resaman lo La Digue.

Lapolis ti fer en demann avek lakour pou ki sa aprezan akize I ganny rimann pou 14 zour swivan son bann lofans ki I tin komet.

Mazistra in akord demann lapolis e sa akize in ganny rimann prizon Montagne Posse pou 14 zour .

Lapolis in raporte ki kondisyon sa pti garson ki ti preziman ganny tape avek transpor kot li lo La Digue zedi bomaten I ankor kritik. Osi ankor dan kondisyon kritik I sa zonm 25 an enkplike dan aksidan Talbot Cascade yer dimans granmaten.

Parkont in annan en pti ameliorasyon dan kondisyon sa zonm 33 an sorti Anse Louis enplike dan aksidan Highway sorti kritik pou vin stab me I ankor admit dan younit swen entansif parey sa pti garson e sa zonm dan aksidan Talbot.

An relasyon avek lensidan kot en zonm 32 an ki reste Les Cannelles ki ti ganny bate lo lans swivan en piknik sanmdi Anse Royale, li I admit lo ward e son kondisyon I stab.

Apre I annan en viziter madanm sorti La Risi ki admit lopital sesel swivan dimal ki in resevwar lo plizyer parti son lekor apre ki I ti ganny tape avek laroul Anse Koko lo La Digue ver milye lazournen sanmdi. En lensidan ki ti nesesit entervansyon zofisye lazans tenny dife ek sovtaz pou transport sa viktim sorti Anse Koko par bato ziska La Passe pou ganny anmennen lopital Logan kot I ti ganny lasistans medikal e plitar ganny transporte Mahe. Kondisyon sa madanm I stab.

Letospi in fer lo lekor Jean Michel Dufrenes 20 an sorti St Louis ki ti mor dan en lensidan trazik Vandredi le 24 Mars 2022, kot en waterfall Grand Anse Mahe e lakoz son lanmor in noye.

En zonm 32 an sorti Les Canelles in admit Doffay ward lopital Sesel yerswar swivan en bagar. Lapolis ti ganny alerte lo sa lensidan ver 8:30 diswar.
 
Sa zonm ki ti dan en piknik a sa letan avek plizyer lezot koleg ti ganny atake e bate kot in resevwar plizyer dimal dan son latet e figir. En zonm 25 an sorti Glacis in ganny arete e pe detenir koman sispe dan sa lensidan i espekte ganny anmenn ankour demen. Lapolis pe antretan kontinyen avek son lanket dan sa ka.
En zonm 34 an sorti Anse Louis in admit dan younit swen entansif lopital Sesel swivan en aksidan High way ozordi granmaten e son kondisyon in ganny dekrir koman kritrik.
 
Lapolis ti ganny alerte lo sa aksidan ver 00:45 bomaten, sa transpor ti pe fer direksyon lavil ansortan Anse Louis kot sa drayver ti perdi kontrol e sorti dan son transpor ki ti al bat dan pye sed e savire. Lapolis in konmans en lanket dan sa enn ka.
En zonm 25 an sorti Plaisance in admit dan younit swen entansif lopital Sesel swivan en aksidan Talbo Cascade ozordi granmaten e son kondisyon in ganny dekrir koman kritrik.
 
Lapolis ti ganny alerte lo sa aksidan ver 2:05 bomaten,sa transpor ki ti pe fer direksyon Anse Aux Pins ti bat dan en miray. Drayver sa transpor ti bezwen ganny retire dan son transpor par zofisye lazans servis tenny dife ek softaz avan ganny transporte par labilans lopital Sesel.Lapolis in konmans en lanket dan sa enn ka.

Loperasyon resers par zofisye Gard lakot Sesel, Marine Police ek CID deklanse yer apremidi e kontinnyen ozordi bomaten pou rod en zonm Swiss ki tin anvoy en mesaz detres an mer dan zanmerant zil Manmel in treminen apre ki sa zonm ki ti lo en bato ti sen e sof kot en letablisman touristik dan distrik Anse Etoile.

Sa bato ki sa zonm ti lo la ti ganny idantifye par zofisye angaze dan loperasyon zisteman dan rezyon zil Manmel apre ki sa lensidan tin ganny raporte. Dapre rapor sa bato ki tin  pran delo ti apre savire anba lao e ti napa person retrouve abor.

Akoz move kondisyon lanmer dan sa landrwa, loperasyon ki ti bezwen abandonnen yer swar ti repran bomaten kot sa bato I ganny trouve ater par deryer zil Manmel.

Ti selman zis apre 10 bomaten ki lapolis ti aprann atraver son met bato ki sa zonm tin ganny sove par en lot bato ki tin pas dan sa zanmerant e I tin ganny anmennen ater sen e sof.

Rapor sa lensidan ti fer avek lapolis ver 4:27 yer apremidi.

 

Dan en lot lensidan parkont, loperasyon resers pe kontinnyen dan rezyon Nor Mahe swivan rapor disparisyon Msye Michel Estrale aze 50 an ki reste Le Niole.

Rapor Msye Estrale manke ti fer avek lapolis tar dan lannwit Merkredi par en manm  son fanmiy apre ki I pa tin rantre kot lakour sa swar parey son labitid.

Lapel atraver diferan form media fer depi yer pandan lazournen pou li kontakte son fanmiy oubyen kordgard pli pre ziska prezan in ankor an ven.

Apard lapolis, osi angaze dan sa loperasyon resers pou essey retrouv msye Estrale I serten manm son fanmiy.

Communiqué Filter

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31