Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike (Santans)

Skitter Albert aze 58an sorti Maldives in kondann 6 mwan Prizon, pour lofans andomaz propriyete. Mazistra in ordonnen ki son santans Prizon I ganny sispann pour en peryod 2an, avek en lanmann 6mil 500 roupi ki I pour bezwen peye, kot ladan en sonm 6mil 100 roupi pour al koman en konpansasyon pour Lapolis.

Albert ti komet sa lofans le 14 Novanm 2023, Maldives kot apre ki lapolis tinn reponn lapel pour lasistans swivan serten konportman dezordonnen ki I ti pe fer, apre ki I tin ganny arete e met dan transpor lapolis. Albert ti andomaz en vit transpor lapolis.

Kominike (Santans)

Mario Jean-Baptiste in kondannen devan Lakour Mazistra Anse Royale dan en ka kas lakaz e vole.

Mazistra in kondann Jean-Baptiste 2an Prizon kin ganny sispann pour en peryod 2an, avek en lanmann 8mil roupi ki I pour bezwen peye avan le 30 Zanvye 2026, avek en lanmann 2mil 500 roupi ki I pour bezwen peye.

Kominike (Santans)

Brian Etheve in kondann de (2) term 7an Prizon devan Lakour Maizstra Ile Du Port, dan 2 ka. Sa I pour lofans kas lakaz e vole.

Mazistra in ordonnen ki son term Prizon I mars ansanm ki fer I pour selman fer 7an Prizon, e letan ki in fer lo rimann I ganny dedwir lo son santans. Etheve ti komet sa lofans le 4 Zanvye 2025 dan distrik Anse Royale.

Kominike (Santans)

Neddy Payet in kondannen devan Lakour Mazistra Anse Royale dan 4 ka. Sa I pour lofans vole, andomaz propriyete e ilegalman an posesyon en propriyete vole.

Dan premye ka Payet in kondann 2an Prizon, dan dezyenm ka en term 2an Prizon, dan trwazyenm ka en term 9mwan Prizon e dan katriyenm ka en term 1an Prizon. Mazistra in ordonnen ki son term Prizon I mars ansanm ki fer I pour selman fer 2an Prizon.

Payet ti komet sa lofans le 21 Zen 2025, Anse La Mouche kot I ti vol en scooter, le 16 Me 2025 Anse La Mouche Payet ti vol sak en drayver Taxi e touzour Anse La Mouche menm, le 14 Me 2025, Payet ti vol sak en koup etranze ki ti lo lans, kot plitar lapolis ti aret li dan rezyon Anse Aux Pins e sezi dan son posesyon enn parmi sa telefonn ki tin ganny raporte vole dan sa enn ka. Mazistra in ordonnen ki I osi pey en sonm 11 mil roupi koman en konpansasyon pour sa bann viktim dan sa bann ka

Kominike (Swivi)

Kondannen Jefferson Marie aze 32an in pas devan Lakour Mazistra Ile Du Port, ozordi bomaten kot in ganny rimann 14 zour andetansyon lapolis koman sispe dan ka pour sove andetansyon Servis Prizon Sesel, vol an servan vyolans, kas lakaz e vole e trespas kriminel.  Marie ki tin sove andetansyon Servis Prizon Sesel le 30 Oktob 2025, ti yer bomaten ganny arete Bodamien dan distrik Anse Aux Pins.

Kominike

Trwa zonm, enn 50an ki deza en kondannen, enn 49an sorti Les Canelles e lot 35an sorti Maldives in ganny rimann 14 zour andetansyon lapolis. 
 
Sa 3 zonm i sispe dan serten ka ki lapolis pe fer lanket ladan, pour bann lofans relye avek Trafik imen, konplo pour enport en drog kontrole e blansisarz larzan. 

Kominike (Santans)

En zonm 29an sorti dan Les Mahe, in kondann 8an Prizon dan en ka labi seksyel lo en miner. 
 
Sa kondannen ti komet sa lofans pandan lannen 2023, dan rezyon Les Mahe kot I ti seksyelman abiz en fiy ki ti aze 13an a sa letan. Ziz ki ti pe ekout sa ka, in pran plizyer konsiderasyon avan pas santans lo sa kondannen, tel ki I tin pled koupab a son premye lestan kan I tin ganny loportinite kot I pann gaspir letan Lakour. 

Kominike

En zonm 39an sorti Point Aux Sel dan distrik Au Cap, in prezimen noye dan lanmer Point Aux Sel ozordi swar.
 
Dapre rapor inisyal ki lapolis in ranmase, sa zonm ki ti avek detwa son bann koleg tin al dan delo sale, kot a en moman donnen son bann koleg pann vwar li re monte, kot zot ti apersevwar li pe flote dan lanmer. Zofisye Lapolis ki tin reponn lapel pour lasistans ti administre premye swen dirzans CPR sirplas, avan ki sa viktim ti ganny transporte kot lopital Anse Royale pour swen medikal entansif. 
 
Lapolis ti ganny alerte lo sa lensidan ver 6er 50 diswar pour lasistans. E en lanket in komanse dan sa enn ka pour etablir sirkonstans otour son lanmor annatandan rapor rezilta letopsi. 

Lanons Semen Frenmen

Motoris pe ganny enformen ki semen depi dan Ron Pwen Providence pour al Highway ver Erport, e semen dan Ron Pwen Erport pour al ver Highway Providence, pour konpletman frenmen demen Vandredi le 7 Novanm 2025, aparti 9er bomaten, ziksa plitar apremidi.  
 
Sa pou permet lapolis ek lezot lazans konsernen fer en travay "survey" an relasyon avek sa 8 tyenm ka aksidan fatal ki ti arive le 3 Oktob 2025.
 
Motoris pe ganny averti pou servi semen alternativ par Cascade pour ariv zot destinasyon.
 
Departman lapolis i demann korperasyon bann motoris, avek son bann zofisye ki pou lo semen.

Kominike

Manm piblik pe ganny enformen ki Carpark Gymnasium pour konpletman frenmen demen Zedi le 6 Novanm 2025. 
 
Motoris pe ganny konseye pou servi lezot Carpark, alternativ dan Lavil. Departman Lapolis I regrete okenn lenkonvenyans ki sa I kapab koze e pe kont lo zot sipor.

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133