Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (350)

Thursday, 20 January 2022 Communique

Lapolis in raporte ki en zonm 21 an kin donn son ladres koman  Bevedere avek en lot 26 an ki reste Anse Norde in ozordi ganny rimann prizon Montagne Posee an koneksyon avek plizyer lofans tel ki kas lakaz, kas batiman e vole osibyen ki pou vole lo lans e vol transpor. I egalman annan lofans sove an detansyon legal kin ganny anrezistre kont sa 2 zonm.

Mazorite lofans kont sa 2 dimoun in raporte arive dan rezyon Mont Fleuri ek Sid Mahe tou dernyenman.

Lapolis pe antretan kontinnyen avek son lanket dan sa bann ka kot zot ekspekte ganny sarze byento.

Wednesday, 19 January 2022 Communique

Lapolis in raporte ki apre 14 zour rimann, en zonm 31 an ki reste Belvedere in formelman ganny sarze devan lakour Mazistra yer Mardi le 18 Zanvye pou lofans vol. Premye ka ti ariv dan en laboutik Rochon le 26 Novanm lannen pase tandis ki lot ti dan en laboutik Hermitage le 3 Zanvye sa lannen kot sa akize ti vole e tay avek pers larzan son 2 viktim.

Sa akize ki pann kapab zwenn serten kondisyon ki Mazistra tin enpoz lo li pou son liberte provizwar pe kontinnyelman reste lo rimann pou li aprezan repas ankour le 1 Fevriye.

Lapolis pe ansemoman kontinnyen avek lanket kont sa menm akize ki osi sispe dan 3 diferan ka kas lakaz e vole Belvedere ek Copolia raporte Kordgard Mont Fleuri le 29 Desanm lannen pase e 1 Zanvye sa lannen.

En zonm 45 an sorti Point Larue in ganny anmenn ankour ozordi apremidi kot lakour in rimann li pou 14 zour. Sa zonm i sispe dan plizyer ka kas lakaz e osi byen batiman e vole kinn arive tou resaman dan rezyon Mont Fleuri ,La Digue e enn yerswar dan rezyon Point Au Sel.
 
Lapolis ti ganny alerte ver 10:28 yerswar kot en letablisman touristik tin ganny kase e plizyer lobze personel tel ki telefonn portab, Labwason ,larzan e lezot item elektronik tinn ganny vole. Swivan en loperasyon konzwent ant lapolis e zofisye militer atase kot stasyon lapolis Anse Aux Pins ti aret sa sispe zonm ver 11er diswar dan zanmerant Anse Aux Pins. Dan son posesyon plizyer lobze ki tinn ganny raporte vole dan sa enn ka ki ganny rekipere.
 
Lapolis pe kontinyen avek son  lanket dan sa ban ka.
Monday, 17 January 2022 Communique

Lapolis in raporte ki lekor Danny Barrack, sa zonm 39an sorti Bougainville ki tin ganny raporte manke yer par son fanmir in ganny dekouver Sanmdi bomaten. Sete swivan en loperasyon resers par zofisye lapolis ki lekor Danny ti ganny dekouver pe flote dan en landwar apele dan Sours dan distrik Baie Lazare ver 7:05 bomaten.

Monday, 17 January 2022 Communique

En zonm 27 an sorti ‘dan fatak’ dan distrik Baie Lazare in ganny anmenn ankour kot in rimann pou 14 zour antretan ki lapolis I kontinyen avek lanket dan 2 ka vol kin arive lo lans Lentandans tou dernyenman.

Premye ka ti ganny raporte avek lapolis le 11 zanvye 2022 ver 5:40 apremidi e lot ka yer  le 13 Zanvye ver 6:50 diswar. Toule 2 ka ti ganny raporte kordgard Quatre Bornes dan distrik Takamaka.

Dan sa ka yer swar, mazorite  lobze personnel ki tin ganny raporte vole in ganny rekipere sof larzan.

Sa sispe ti ganny arete yer swar menm par zofisye lapolis avek lasistans en sivilyen dan rezyon lentandans kot sa sispe ti fizikman agres sa zofisye pandan ki ti pe reziste larestansyon.

Monday, 17 January 2022 Communique
En group lenstrikter sorti lakademi lapolis in fer en dekouvert 4 plantasyon kanabis dan en bwa dan rezyon Anse Royale Zedi le 13 Zanvye swivan en "hike" ki zot ti pe fer. En total 169 pye kanabis in ganny derasinen e sezi e lapolis in konmans en lanket dan sa enn ka.
Wednesday, 12 January 2022 Communique

Swivan konsern kin leve lo kondisyon dan ki leta kaso santral I ete, lo kalite tretman ki bann deteni e rimann pe fer fas avek, prensipalman  an relasyon avek konplent par sa dezyenm akize avek son avoka devan lakour le 07 Zanvye sa lannen e osi rapor soumet par komisyon drwa imen, lapolis pe fer sorti sa kominike pou donn son pwennvi lo sa sitiasyon.

Lapolis I rekonnet ki I annan defayans avek serten son bann fasilite detansyon dan serten son bann stasyon lapolis e ki ansemoman i napa en sant detansyon spesifik zis pou rimann. Avek logmantasyon dan krim e nivo deteksyon kin ogmante, lapolis I vwar li pe arete, deteni e rimann plizyer sispe dan son bann fasilite kot zot bezwen ganny plase dan diferan kaso dan bann stasyon antretan ki lanket I kontinyen ziska zot ganny sarze.

Baze lo rapor komisyon drwa imen e lord lakour dan en ka ki pe ganny ekoute, komisyoner lapolis in fini apwent en komite kat (4) dimoun kin komans visit son bann fasilite detansyon dan bann stasyon e zot in komans soumet rapor e rekomandasyon avek li.

Tuesday, 11 January 2022 Communique
En zonm 40 an sorti dan distrik Larivyer Anglez ki sispe dan plizyer ka vol raporte  arive tou resaman dan rezyon lavil ti ganny anmenn ankour Vandredi le 7 Zanvye 2022.
 
Lakour in rimann sa sispe pou 14 zour antretan lapolis i kontinyen avek son lanket dan sa bann ka.
Tuesday, 11 January 2022 Communique
En zonm 37 an sorti Perseverance in ganny arete ozordi apremidi e pe ganny detenir koman sispe dan plizyer ka kas batiman e vole kin ganny raporte arive tou resaman dan rezyon lavil.
Sa menm zonm i egalman sispe pou lofans kas lakaz e vole kin arive dan rezyon Au Cap.
 
Sa sispe i espekte ganny anmenn ankour demen.

Communiqué Filter

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31