Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike (Swivi)

Sa koup viziter Britanik ki tin ganny raporte manke dan santye Anse Capusin dan distrik Takamaka in ganny retrouve, e zot toulede an bonn sante.
 
Loperasyon resers ek sekour ti pran Lapolis enpe plis ki 3 erd-tan edmi pour antreprann, an vi sitiasyon teren e zistans kot sa bann viziter tin ale ki ti andeor santye prensipal. Loperasyon resers ti ganny asiste par trwa sivilyen ki abitye ed Lapolis dan bann tel loperasyon parey, sa i Msye Christian Lionnet, Malik Labonte ek Alrick Agricole. Departman Lapolis i rekonnet zot zefor ek zot sipor pour asiste dan bann ka dirzans parey.
 
Sepandan, Lapolis i oule ankor enn fwa lans en lapel avek bann viziter e bann letablisman tourisik pour konsey zot bann kliyan lo bann risk ki egziste ler dimoun i antre dan bann santye tousel san en gid eksperyanse. Bann tel loperasyon resers i demann bokou resours e i kout bokou.

Kominike

Lapolis in komans en loperasyon resers ek sekour pou rod 2 viziter ki tin ganny raporte manke dan santye pour al Anse Capusin Takamaka.

Kominike (Swivi)

Sa trwa zofisye lapolis ki tin ganny transporte lopital Sesel yer apremidi pour swen medikal, anrezilta en aksidan ki tin arive Larivyer Anglez, zot tin resevwar tretman apre plitar ganny large yerswar menm.

Dapre rapor inisyal kin ganny ranmase, sa transpor lapolis ti pe fer direksyon ver Larivyer Anglez, o moman sa aksidan kot I tin al ran lapel andeor semen. Lapolis ti ganny alerte lo sa aksidan ver 1er 20 apremidi pour lasistans, e en lanket in komanse dan sa enn ka.

Departman Lapolis

Kominike (Swivi)

Sa zonm 55an sorti La Digue ki tin ganny transporte lopital Baie St Anne Praslin, yer bomaten pour swen medikal dirzans anrezilta en lensidan dife dan en bato, dan por Ile Eve. In aprezan ganny desarze lopital.

Dapre rapor inisyal ki lapolis in ranmase, sa lensidan ti ariv pandan letan ki bann manm lekipaz sa bato ti pe pran karbiran. Lapolis ti ganny alerte lo sa lensidan ver 9er 10 bomaten pour lasistans, e lanket I an progre dan sa enn ka.

Kominike

En zonm 55an sorti La Digue in ganny transporte lopital Baie St Anne Praslin, pour swen medikal dirzans anrezilta en lensidan dife dan en bato kin arive ozordi bomaten, dan por Ile Eve.
 
Plis detay dan en prosen kominike. 

Kominike (Swivi)

En zonm 56an sorti North East Point in admit dan Younit Swen Entansif Lopital Sesel, e son kondisyon in ganny dekrir koman kritik. Sa ti anrezilta en aksidan kin arive ozordi granmaten lo Lari St Jospeh Anvil.
 
Dapre rapor inisyal ki lapolis in ranmase sa viktim ti pe fer direksyon ver Lari Olivier Maradan, o moman kot de (2) transpor ki ti osi pe fer menm direksyon avek li, ti fer kolizyon ant kanmarad e anrezilta enn parmi sa transpor ti tap avek transpor sa viktim. Lapolis ti ganny alerte lo sa aksidan ver Minwi Sekannsenk bomaten (00:55)pour lasistans, e en lanket in komanse dan sa enn ka. 

Kominike (Swivi)

En garson 28an sorti St Louis, ki ti pasaze lo en Scooter in admit dan Younit Swen Entansif Lopital Sesel dan en leta kritik, e rider sa scooter en zonm 54an sorti Le Niole li in ganny trete lopital Sesel, apre plitar ganny large. Sa ti anrezilta en aksidan kin arive ozordi granmaten Le Niole. 
 
Dapre rapor inisyal ki lapolis in ranmase sa scooter ti pe fer direksyon ver Le Niole ansortan Pascal Village, letan ki sa rider ti al rann lapel anba semen. Lapolis ti ganny alerte lo sa aksidan ver 2er 20 bomaten pour lasistans, e en lanket in komanse dan sa enn ka. 

Kominike (Swivi)

En garson 26 an sorti Maldives in admit lopital Sesel e son kondisyon I stab, sa I anrezilta en aksidan kin arive yerswar Anse Etoile. 
 
Dapre rapor inisyal ki lapolis in ranmase sa garson ki ti pe mont en Scooter, ti pe fer direksyon ver Lavil an sortan Glacis, letan ki I ti fer kolizyon avek en transpor dan lo kote semen. Lapolis ti ganny alerte lo sa aksidan ver 8er 55 diswar pour lasistans, e en lanket in komanse dan sa enn ka. 

Kominike (Santans)

Skitter Albert aze 58an sorti Maldives in kondann 6 mwan Prizon, pour lofans andomaz propriyete. Mazistra in ordonnen ki son santans Prizon I ganny sispann pour en peryod 2an, avek en lanmann 6mil 500 roupi ki I pour bezwen peye, kot ladan en sonm 6mil 100 roupi pour al koman en konpansasyon pour Lapolis.

Albert ti komet sa lofans le 14 Novanm 2023, Maldives kot apre ki lapolis tinn reponn lapel pour lasistans swivan serten konportman dezordonnen ki I ti pe fer, apre ki I tin ganny arete e met dan transpor lapolis. Albert ti andomaz en vit transpor lapolis.

Kominike (Santans)

Mario Jean-Baptiste in kondannen devan Lakour Mazistra Anse Royale dan en ka kas lakaz e vole.

Mazistra in kondann Jean-Baptiste 2an Prizon kin ganny sispann pour en peryod 2an, avek en lanmann 8mil roupi ki I pour bezwen peye avan le 30 Zanvye 2026, avek en lanmann 2mil 500 roupi ki I pour bezwen peye.

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133