Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike (Semen Frenmen)

Manm piblik pe ganny enformen ki anvi en levennman politik, ki pe ganny fer dan rezyon Lavil, Dimans le 14 Septanm 2025 ek Dimans le 21 Septanm 2025. Lapolis pour pe frenm semen lo Lari Konstitisyon pour trafik selman, aparti 10er bomaten ziska 6er diswar, pour fasilit mouvman pyeton pandan sa bann moman. 
 
Departman Lapolis pe demann motoris pour respekte bann lansenny trafik ki pour anfors e respekte son bann zofisye ki pour lo semen, ki pe asir zot sekirite. E motoris pe ganny enformen pour servi lezot larout alternativ pour ariv zot destinasyon. 
 
Departman Lapolis i kont lo zot sipor e korperasyon pandan sa moman. 

Kominike (Swivi)

Joseph, Robert Dunn aze 38an ki en zofisye Servis Tenny Dife Ek Sovtaz, sorti Wayom-Ini, avek nasyonalite Britanik. In formelman ganny sarze devan Lakour Siprenm pour lofans Lenportasyon en drog kontrole  
 
Sa akize, ti ganny entersepte lo Erport Enternasyonal Sesel, le 26 Out 2025, apre son larive abor en vol Emirates sorti Dubai, kot bann zofisye Lapolis e Ladwann ti fer lafouy lo li, e lapolis ti sezi dan son posesyon plizyer pake ki sispekte kontenir en drog kontrole ladan, kin estimen pez 11733.1 granm. Sa ti rezin kanabis. Lakour in aprezan rimann sa akize Prizon Montagne Posse. 

Kominike (Swivi)

Moustapha Kouyate aze 27an avek nasyonalite Britanik. In formelman ganny sarze devan Lakour Siprenm pour lofans Lenportasyon en drog kontrole  
 
Sa akize, ti ganny entersepte lo Erport Enternasyonal Sesel, le 22 Out 2025, apre son larive abor en vol Ethiopian sorti Addis Ababa, kot bann zofisye Lapolis e Ladwann ti fer lafouy lo li, e lapolis ti sezi dan son posesyon plizyer pake ki sispekte kontenir en drog kontrole ladan, kin estimen pez 32.181.40 granm. Sa ti kanabis. Lakour in aprezan rimann sa akize Prizon Montagne Posee. 
 

Kominike

Atraver lanket ki an progre, Lapolis in ozordi aret de garson aze 24 ek 27an, sorti Brilliant ek Le Niole, koman sispe dan sa ka vol, ki ti arive le 10 Septanm 2025, kot en laboutik elektronik dan Providence. 
 
Lapolis in reisi rekiper serten propriyete, ki tin ganny raporte vole.

Kominike

Eddy, George Belmont aze 43an sorti Talbo, Cascade in repas devan Lakour Mazistra Anse Royale, ozordi bomaten, kot in formelman ganny sarze pour lofans koz dimal grav en endividi. 
 
Mazistra in larg Belmont lo sa bann kondisyon swivan; kot I pour bezwen pey en kosyon 15 mil roupi pour son laliberte provizwar, ki I pour bezwen reste Belonie kot en manm son fanmiy, e ki I napa dwa, a okenn moman pour okenn rezon vin dan distrik Cascade, pou pa enterfer avek temwen e konplenan dan sa ka, pour pa komet ou ganny sarze avek okenn lofans similer, pandan letan ki pour deor lo laliberte provizwar, e pou prezan devan Lakour a sakfwa son ka pe ganny ekoute. Belmont tin ganny rimann Prizon Montagne Posse, e pandan lazournen in reisi pey son kosyon,15 mil roupi ki fer in ganny large, e I pour bezwen sivre sa bann kondisyon ki Lakour tin enpoz lo li.
 
Belmont ti komet sa lofans le 29 Out 2025, bomaten, Petit Paris kot I ti fizikman agres en endividi dan son rezidans, e koz li dimal grav lo serten parti son lekor.

Kominike

De Sitwayen Taylande, en garson 24an avek en fiy 21an. In pas devan Lakour Siprenm, yer apremidi kot zot in ganny rimann 14 zour andetansyon Lapolis. Sa i koman sispe dan ka ki lapolis pe fer lanket ladan pour lofans; Lenportasyon en drog kontrole, Konplo pour enport en drog kontrole e Konplo pour trafik en drog kontrole. 
 
Sa 2 sispe, ti ganny entersepte par zofisye Ladwan e zofisye Lapolis lo Erport Enternasyonal Sesel, apre zot larive le 2 Septanm 2025, abor en vol Air Seychelles sorti Abu Dhabi, kot swivan Lafouy fer, lapolis ti sezi dan zot posesyon plizyer pake, ki sispkete en drog kontrole, kanabis zerbaz.
 

Kominike

En garson 24an ki pa dan en lanplwa sorti Nouvelle Valee, dan distrik Beau Vallon. In pas devan Lakour Mazistra Ile Du Port, kot in ganny rimann 14 zour andetansyon Lapolis. Sa I koman sispe dan serten ka, ki lapolis pe fer lanket ladan  pour lofans menas an servan vyolans, trespas kriminel, andomaz propriyete e lagresyon fizik lo en endividi. 
 

 

Sa sispe ti komet sa bann lofans pandan mwan Out ek Septanm 2025, dan rezyon Beau Vallon. 

Kominike

En zonm 43an sorti Talbo, Cascade in pas devan Lakour Mazistra Anse Royale, vandrei apremidi kot in ganny rimann 7 zour andetansyon Lapolis. Sa i pour lofans akt avek lentansyon pour koz dimal grav en endividi. 
 
Sa sispe ti komet sa lofans yer bomaten, Petit Paris kot I ti fizikman agres en endividi.
 

Kominike

Lapolis in komans en lanket detaye annatandan rapor rezilta letopsi pour etablir sirkonstans otour, lanmor en zonm 50an sorti La Passe, La Digue, kin arive yer bomaten kot son rezidans. 
 
Dapre rapor inisyal ki lapolis in ranmase sa defen, tin ganny vwar par en manm son fanmiy, kot son lakour pa pe reazir, kot I ti plitar ganny sertifye mor sirplas par dokter. Lapolis ti ganny alerte lo sa lensidan ver 10er 45 bomaten pour lasistans. 

Kominike (Swivi)

Anrezilta sa aksidan ozordi granmaten lo Lari Royal, en zonm 43an sorti Perseverance, in resevwar tretman Lopital Sesel apre plitar ganny large.
 
Dapre rapor inisyal ki lapolis in ranmase sa pyeton, ti pe travers semen o moman sa aksidan, kot I ti ganny tape avek en transpor ki ti pe fer direksyon ver lavil. Lapolis ti ganny alerte lo sa aksidan ver 5er 40 bomaten pour lasistans. En lanket in komanse dan sa enn ka. 
 

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133