Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (447)

Lekor dekonpoze en zonm in ganny dekouver dan en vye lakaz abandonnen an tol dan distrik St Louis ver milye lazournen ozordi.

Sa zonm in ganny idantifye koman Andre Nigel Luther ki reste dan sa menm distrik e  i aze 61 an.

Sete en msye ki ti enform lapolis lo sa lensidan ver midi an dizan ki in santi en lorder kin fatig li dan zanmerant semen Waterloo pa tro lwen ek kot I reste.

Lapolis pe fer lanket anatandan rezilta letopsi pou determin sirkonstans e etablir ekzakt lakoz lanmor msye Luther.

Sa zonm 70 an ki tinn ganny transporte kot sant lasante Anse Royale pou swen medikal pli boner swivan sa aksidan Takamaka in ganny trete apre ganny large lopital.

En zonm 70 an i ganny transporte kot sant lasante Anse Royale pou swen medikal swivan en aksidan kin arive Takamaka

3 zonm ti ganny transporte lopital Sesel bomaten pou swen medikal swivan en aksidan lo lari Bois De Rose, kot en pickup ki ti pe fer direksyon lavil ti perdi kontrol e fer kolizyon avek en transpor ki ti osi pe fer menm direksyon anrezilta sa kolizyon sa pickup ti savire.
 
Toulede 3 zonm in ganny trete apre ganny large lopital. Lapolis ti ganny alerte lo sa aksidan ver 10:15 bomaten en lanket in konmanse dan sa enn ka.

Lapolis pe raporte ki Arnold Benoit, sa garson 19 an ki ti enplike dan aksidan dan distrik Takamaka pandan lannwit sanmdi le 12 Fevriye in mor ozordi dan younit swen entansif kot I tin admit depi zour son sa aksidan.

 Sa fatal in  vin rezilta kolizyon ant en pick up ek 2 moter kot  sa defen ti ‘rider’lo la enn sa moter. Sa i 2yenm ka ki lapolis I anrezistre apre sa enn arive Anse Boileau le 1 Zanvye.

Lotorite medikal ti kominik sa lenformasyon avek lapolis ver 9:50 bomaten.

 

Asidan bomaten anvil.

 Apre I annan en zonm 26 an sorti Les Mamelles ki son lebra in kase swivan en aksidan arive dan zanmerant kodevar ozordi bomaten apre ganny tape par en loto. Sa zonm in admit lo ward tandis ki drayer sa loto, en madanm li I ansemoman admit anba lobzervasyon.

 

En pti garson I ganny mored avek lisyen lo lans.

Lapolis pe egalman fer lanket dan ka kot en pti garson etranze aze 5 an in ganny morde avek en lisyen lo lans Anse Royale yer apremidi. Sa pti garson ti ganny trete pou mark morde lo son ledwa lanmen ek son ‘chest’ apre ganny large.

Lensidan ti ariv pandan ki sa pti garson ti lo lans avek son paran.

 Lanket dan sa bann ka I an progre.

En zonm 35 an sorti dan distrik Beau Vallon in ganny anmenn ankour sa semenn kot in formelman ganny sarze pou 3 diferan lofans.Sa i antre dan lakaz e vole, kas lakaz e vole e pou an posesyon propriyete vole.
 
Swivan son larestasyon le 6 Fevriye 2022 ver 4:05 apremidi Beau Vallon lapolis ti rekiper tou propriyete ki i tin vole dan en apartman tourisktik Beau Vallon.
 
Lakour in ordonnen ki sa akize i riman ziska le 28 Fevriye 2022 kot i espekete re ganny anmenn ankour.
Tuesday, 15 February 2022 Communique
En zonm 18 an ki pa dan lanpwa sorti Port Launay, in ganny anmenn devan lakour yer le 14 Fevriye 2022 kot in formelman ganny sarze pou 2 lofans kas lakaz e vole ki ti arive le 26 e 30 Zanvye 2022.
 
Sa akize ki tin ganny sarze le 19 Novanm 2021 pou en lofans vol e i ti answit ganny large lo liberte provizwar avek plizyer kondisyon. I pann respkete son kondisyon ki lakour tin enpoz lo li, e sa akize pou aprezan reste lo rimann ziska ki son bann ka i konmans ganny ekoute devan lakour.
Lapolis pe konfirmen ki enn son travayer, en zonm 27 an in ganny sispann antretan ki en lanket pe ganny fer dan en ka Andomaz Propriyete, Vol e posesyon drog dan ki I en sispe prensipal. sa I swivan en rapor fer par en madanm ver 0309 bomaten, kot stasyon lapolis Perseverans, ki en dimoun tin kase e pe vole dan son loto. 
 
Touzour dapre sa rapor en serten sonm larzan in ganny vole ki ti dan sa loto. Sa zofisye in ganny anmenn ankour ozordi apremidi e lakour in ordonnen ki I reste lo rimann pou 14 zour ziska le 28 Fevriye,2022.
 
Lapolis I fer resorti ki I fortman pa toler sa bann tel aksyon, e nenport ki manm lafors ki komet bann aksyon illegal ou ki enplike dan en lofans, aksyon neseser e serye pou ganny pran kont zot.
En madanm 71an avek nasyonalite Alman in gany sertifye mor kot sant lasante Bovalon ver 2er edmi apremidi ozordi swivan en lensidan kot in prezimen noye dan lanmer Bovalon.
 
Lapolis ti ganny alerte lo sa lensidan ver 2er edmi apremidi par en ners kot sa sant lasante. Sa madanm ti ganny asiste par bann zofisye lazans servis teny dife e sovtaz (life guard) apre ki i ti ganny apersevwar an detres dan lanmer kot i ti ganny anmenn ater lo lans e answit transporte par lanbilans kot sant lasante Bovalon.
 
Lapolis in konmans en lanket dan sa ka an atandan rezilta letopsi.

Lapolis in konmans en lanket pou etablir sirkonstans en aksidan ki ti ganny raporte Sanmdi le 12 Fevriye 2022 ver 9:22 diswar dan distrik Takamaka. kot 2 moter enn avek pasaze ti fer kolizyon avek en pickup dan zanmerant larantre chez Batista. Tou le kat dimoun ti ganny transporte kot sant lasante Anse Royale pou swen medikal, 2 in ganny large tandis ki en garson 19 an in admit Dan younit swen entansiv e son kondisyon in ganny dekrir koman kritik e son pasaze en garson 18 an In ganny admet lo Doffay ward e son kondisyon I stab.

Communiqué Filter

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31