Lapolis pe enform mann piblik ki serten semen dan Mont Fleuri pou fermen demen, Mardi le 19 Out e Zedi le 21 Out 2025, depi 8er 30 bomaten ziska tar aswar.
Semen konsernen
- Ronpwen Mont Fleuri (anfas laboutik Msye Weeling) ki al ver direksyon Lavil.
- E Kwaze semen Lopital Sesel ki al ver Ronpwen Mont Fleuri.
Fermtir semen pe arive akoz prosedir Nominasyon Kandida Prezidansyel, ki pou fer kot Biro Komisyon Eleksyon.
Larout Alternativ
Motoris i ganny ankouraze pour servi larout alternativ atraver Bois de Rose pour ariv kot zot destinasyon.
Provizyon Bis Piblik
Lapolis in fer provizyon adisyonnel pour bann bis piblik;
Bis ki sorti Mont Fleuri pour al ver Lavil pou kapab debark pasaze dan layby akote Lekol Franse. Pasaze ki pe al direksyon Lopital i kapab servi semen Damien De St Jorre, akote Lekol Franse, ki mont ver Batiman Botanik, Mont Fleuri. Pou annan zofisye lo ron pwen lesantye ki al fer Mt Fleuri e dan kwaze semen Bel Eau e Lopital Sesel pou kontrol trafik
Parking
Parking pour bann kandida Prezidansyel pou ganny sitiye anndan, kot Minister Ledikasyon. Lapel pou bann Parti Politik ek Siporter
Lapolis pe lans en lapel avek tou parti politik ek zot sipoter ki pe ekspekte prezan ki pou annan
- En landrwa spesifik kin ganny dezinyen kot siporter pou kapab rasanble
- Lapolis pe demann tou dimoun pou gard en bon konportman e respekte lezot, evite provok kanmarad ki kapab koz bann ak ou aksyon vyolans.
- I enportan pou note ki konsomasyon lalkol dan landrwa piblik i en lofans e pa pou ganny tolere.
Lapolis pe demann korperasyon tou motoris, siporter ek bann parti politik pour asire ki prosedir nominasyon bann kandida i deroul dan lape, e dan lord.
