Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (328)

Friday, 11 September 2020 Communique
Lapolis in raporte ki Shiry Finesse, sa fiy 14 an sorti Le Niole ki tin ganny raporte manke in retourn kot son paran sen e sof. Lotorite konsernen, departman lapolis ek departman Servis Sosyal  pe fer serten travay avek li.
 
 
Lapolis in egalman raporte ki letopsi fer lo lekor Michelle Anacoura, sa madanm 38 an ki ti ganny prononse mor arivan lotipal sesel dimans apremidi apre  ki i tin ganny transporte sorti Darros in demontre ki lakoz son lanmor i an rezilta bokou dimal entern ki in gannyen swivan en aksidan la sa zil. Etablir ziska prezan i seki sa pick-up ti ti anvoy aryer kot stor ki tin tap li. Lapolis antretan lapolis i kontinnyen avek son lanket.
 
 
Sepandan letopsi fer lo lekor Msye Boniface, sa zonm 63 an, rezidan lakour bann dimoun aze dan distrik Au Cap  ki ti ganny trouve dan lanmer obor lans dan zanmerant Ex Reef Hotel Mardi apremidi li in ganny konfirmen noye.
Friday, 11 September 2020 Communique

Lapolis in raporte ki I pe fer lanket dan ka kot en rezidan lakour dimoun aze Au Cap ti ganny trouve lafas anba dan lanmer pros avek lans dan zanmerant Ex Reef Hotel.

Sa dekouver ti vin tar apremidi yer Mardi (4:35) apre ki zofisye lapolis Anse Aux Pins ek manm lezot younit dan lafors tin mobilize pour rod sa msye, Robert Boniface aze 63 an ki tin ganny raporte manke kot sa rezidans.

Rapor labsans msye Boniface ti ganny fer kordgard Anse Aux Pins ver 9er bomaten yer menm apre ki I tin kit rezidans bann dimoun aze sa distrik kot I ti pe reste son lavey lendi pandan lazournen e pa tin retournen son aswar.

Lapolis pe antretan esper rezilta letopsi pou determin lakoz son lanmor.

 

Yannick Laboudallon, aze 27 an ki reste Union Vale in kondann 8 an prizon pour sey koz lanmor son prosen osibyen ki 7 an pour lofans vol an servan vyolans.

Ziz lakour siprenm ki ti pas sa 2 term prizon lo Laboudallon lendi sa semenn in sepandan ordonnen ki sa 2 santans I mars ansanm ki vedir I pou fer selman 8an prizon.

Yannick laboudallon I sa zonm ki ti atake, pez en madanm ater e esey trangle li dan gran peron Castor road le 29 Me sa lannen anviron 7er bomaten letan ki sa madanm ti pe al travay. Dan lesey pou sov son lavi, sa madanm ti erezman ganny sans atrape e pez parti prive son agreser ki ti larg li e taye avek mobile son viktim.

Lapolis in raporte ki en zonm 30 an ki reste dan distrik Beau Vallon in yer bomaten ganny arete koman sispe pour lofans posesyon zarm ofansiv ek aminisyon.

Swivan son larestasyon dan ver 11:20 bomaten yer dimans le 6 Septanm dan zanmerant stad Linite, en lafouy fer par zofisye CID ek  zofisye para-militer dan lapolis baze Petit Paris, dan ‘booth’ loto ki sa sispe ti pe dray en grenad ti ganny dekouver e sezi par sa bann zofisye.

Sa sispe in ganny anmenn devan lakour siprenm ozordi bomaten e in ganny rimann pou 14 zour e i pou repas ankour le 21 Septanm. Sa larestasyon ti swiv serten lenformasyon resevwar par lapolis.

Antretan lapolis I kontinnyen avek son lanket dan sa ka.

 

Lapolis pe egalman fer lanket dan ka kot en madanm 38 an ti ganny sertifye mor letan I ti ariv lopital Sesel apre ganny transporte Mahe sorti lo zil D’Arros yer boner apremidi.

Sa mdanm, en manager resours imen lo D’Arros I sorti Les Cannelles.

Lobzervasyon fer par lapolis lo lekor sa madanm I demontre krose lo son lazanm kote gos ek lo son ledo.

Dapre en koleg travay zonm 32 an, kwizinyen lo D’Arros I dir I ti pe asiste sa madanm avek serten marsandiz pou anmenn lo stor dan en pikup e letan I ti pe anvoy aryer pli pre avek stor pou fasilit retir marsandiz I ti antann kriy ayoyo. Sa zonm I azoute ki I ti debarke e la I ti trouv sa madanm ater dan larantre stor avek son lalang sere ant son ledan alor la I ti deswit rod lasistans. Rapor sa lensidan ti ganny fer avek lapolis ver 12 edmi.

Lapolis pe fer lanket an atandan rezilta letopsi pour etablir sirkonstans e lakoz lanmor sa madanm

The Police are asking all owners of vehicles which are at Bois De Rose as a results of accidents and who have been advised to remove their vehicles to do so within the next seven (7) days as failure to do so will result in disposal of these vehicles. 

Propriyeter ki annnan tranpor Bois De Rose an rezilta aksidan e kin ganny demande pou vin retir zot transpor pe ganny averti ki zot annan 7 zour apartir ozordi pou zot vin retir zot transpor sinon lapolis pour retire e al zete.

Thursday, 30 July 2020 Communique

The Police have reported that three of its female officers have been interdicted from performing Police duties pending an investigation been carried against them following a formal complaint from a lady driver whom they stopped during a spot check at Perseverance Monday afternoon. The lady have already provided the Police some evidence that the officers took certain amount of money from her in relation to traffic related offences she had committed.

The police says their fate will be determined upon completion of its investigation

Lapolis in raporte ki Nelson Flore in kondan 8 an prizon pou blese avek lentansyon pou koz dimal grav son kanmarad, 14 an pour servi zarm e agres son kanmarad dan en lesey pou vol larzan, en lot 3 an pou koz dimal son viktim e finalman en term 1 pou an posesyon aminisyon san posed en laysens pour zarm-a-fe.

Nelson Flore 29 an ki reste St Louis ti ganny arete aswar le 25 Zen lannen pase apre ki 2 endyen ki I tin atake an servan  Pistol dan en laboutik Bel Air tin retalye, ganny sans aras li son zarm e  apre anmar li ziska ler lapolis ti ariv lo “scene”.  

Dan sa lensidan raporte ver 7:30 sa swar, enn sa  endyen ti ganny blese avek bal tandis ki lot tin ganny tape avek pistol deryer son latet.

Lakour siprenm ki ti pas santans lo Flore yer lendi le 27 Zilyet in ordonnen ki son bann santans I mars ansanm ki vedir  I pou fer 14 an prizon.

Avek travay demolisyon ki pe al komanse nenport moman pou fer plas pour en nouvo station lapolis lo La Digue, lapolis  I oule enform tou Digwa e piblik an zeneral ki son loperasyon toulezour in depi lendi le 13 Zilyet bouz dan sa batiman (lakaz gard) trouve zis obor Lazans Servis Tenny Dife ek Sovtaz La Passe.

Lapolis I reasir manm piblik lo sa zil ki son servis e ler loperasyon I reste parey, 24 lo 24.

Manm piblik I kapab raport an personn oubyen telefonn sa 2 nimero swivan pour lasistans.

4288128, 2631552 oubyen 4234395, ‘Station Commander’ I lo 4288129.

Lapolis I oule remersi zot pour zot konprenezon e bon korperasyon pandan

realizasyon son proze. 

Sil vouple fer le neseser pour peyman.

Lapolis in raporte ki I pe fer lanket dan lensidan kot Tony Dodin, en zonm 48 an sorti Grand Anse Mahe ti perdi en kote son lebra an rezilta en aksidan lo Nouvo Port yer tar apremidi e bomaten mor dan Younit swen entansif lopital Sesel.

Rapor sa lensidan ti ganny raporte avek lapolis ver 5:20 yer apremidi e lanmor sa viktim ti ganny fer par lotorite lasante ver 6:35 bomaten.

Sa ki lapolis in aprann I sete, dan pe fer aryer, en “Stacker”, sa bann gro masin ki lev “container” ti fer kolizyon avek en forklift ki Dodin ti operater lo la.

An rezilta sa kolizyon, domaz lo lebra kote gos Dodin ti nesesit entervansyon sirizikal me malerezman I ti mor bomaten kot I tin admit dan ICU.

Operater sa “stacker” en Endonezyen ti ganny arete e ganny detenir apre sa lensidan. In ganny anmennen ankour apremidi kot in ganny antretan ki lapolis I kontinny son lanket.

Lapolis in raporte ki sa 5 zonm, sispe ki  ti raport zot lekor kot lofis CID Bois Rose yer bomaten apre ki lapolis tin demann zot pou raporte an relasyon avek lensidan kot en azan ANB ti ganny atake dan prezans son fanmiy kot en letablisman touristik Pointe Au Sel Sanmdi apremidi in ganny anmenn ankour ozordi apremidi e zot in ganny rimann pour repas ankour le 23 Zen.
 
Lapolis in egalman fer resorti ki Andrew Banane, sa  Praslinwa ki dimoun pe sirkil son portre lo rezo sosyal napa nanryen pou fer avek sa zafer Pointe Au Sel. 
 
Lapolis antretan i kontinnyen avek  son lanket.
Monday, 15 June 2020 Communique

Lapolis in raporte ki sa 5 dimoun ki ti ganny bezwen  an relasyon avek lensidan kot en azan ANB ti ganny atake dan prezans son fanmiy kot en letablisman touristik Pointe Au Sel sanmdi apremidi in raport kot lofis CID Bois de Rose ozordi bomaten dan prezans zot avoka.

Tou le 5 sispe I ansemoman pe ganny detenir antretan ki lanket dan sa ka I kontinnyen.

Communiqué Filter

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30