Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (350)

Lakour siprenm I sarze 2 zonm pou mert e 1 pour akonplis.

Lapolis in raporte ki 3 parmi sa 4 sispe ki tin ganny arête e ti pe rimann an koneksyon avek lanmor Msye Simon Esparon in ozordi ganny sarze devan lakour siprenm. Cliff Emmanuel  aze 49 an e Marco Mathiot 26 an, 2 zabitan Mont Fleuri in ganny sarze pou lofans mert tandis ki Daniel Tirant ki reste La Louise li in ganny sarze pou lofans “aiding and abetting”  akonplis. Sa lot zonm parkont li in ganny large san kondisyon.

Tou le 3 sispe, Emmanuel, Mathiot avek Tirant  in ganny rimann e zot pou repas ankour le 27 Novanm.

Jean Toussaint. PRM

Saturday, 11 November 2017 Communique

Lapolis in raporte ki en 4enm zonm in ganny arete an koneksyon avek lanmor Msye Simon Esparon ki ti arive kot son lakour granmaten Dimans le 22 Oktob.

Sa sispe, ki aze 38-an, ti ganny arete Zedi e in ganny anmenn ankour yer apremidi kot in ganny rimann ziska le 17 Novanm zour ki i pou repas ankour.

Lanket dan sa ka i kontinyen. 


Lapolis in raporte ki sa 2 zonm sispe 23-an ki’n ganny arete dan ka vol kont touris lo lans Marie Laure Zedi apremidi in pas ankour yer apremidi kot zot in ganny rimann ziska le 13 Novanm, zour ki zot pou repas ankour.


Lapolis in osi raporte ki en zonm 23-an in ganny arete e i an detansyon lapolis swivan en vol lo lans Beau Vallon Merkredi kot en touris nasyonalite Alman ti ganny vole son sak dan ki ti annan bann propriyete personnel.

Sa zonm ki’n ganny arete, ti akonpannyen par en lot zonm ki li i pa ankor ganny arete e son lidantite pa ankor ganny etabli.

Swivan son lentervansyon, lapolis in deza reisi rekouver serten sa bann lobze ki ti’n ganny vole dan sa sak e lanket pe kontinyen dan sa ka.

Lapolis in raporte ki sa manman, 3 garson osi byen ki son fiy ti ganny arete yer, pas atraver prosesis neseser apre ganny large antretan ki lanket i kontinyen dan sa ka kot en ansennyan ti ganny bate Mardi kot lekol Mont Fleuri segonder.


Lapolis in osi raporte ki sispe ki zot ti pe rode dan ka kot sa koup Otrisyen ti ganny atake Côte d’Or Lendi swar in ganny arete. Sa sispe i aze 40-an e i reste dan distrik Baie Ste Anne, Praslin.


Touzour Praslin, en koup ki reste Baie Ste Anne in ganny arete yer apremidi  swivan en rapor vol dan en lakaz Vilaz Zozef dan sa menm distrik yer bomaten.

Swivan zot lanket lapolis in reisi rekiper tou bann propriyete ki ti’n ganny vole kot sa lakaz.

Two students from Mont Fleuri secondary school who were involved in a case where a male teacher was seriously assaulted have been immediately suspended pending further investigation.

It was early yesterday morning when Kevin Monthy, head of cycle at the school, was assaulted by the parent and relatives of a Secondary One (S1) student in the school’s conference room. His brother, also a student at the school, was also implicated in the debacle.

In a press release, the Ministry of Education and Human Resource Development has severely condemned such a brutal act on a member of its staff and has expressed its full support for the victim.

They have also stated that the incident has been reported to the police in order to initiate criminal procedures.

The brutal act resulted into the hospitalisation of Mr Monthy who underwent X-Ray and CT scans at the Seychelles Hospital.

According to Mr Monthy the scans revealed a slight skull fracture.

He also received nine stitches for an injury on his forehead.

During his account of the events, Mr Monthy claimed the S1 student was caught with several ice-lollies which he was selling in the school compound.

Lapolis in raporte ki zot pe fer lanket e pe rod en zonm sispe dan ka kot en koup Otrisyen dan zot 50enn lannen in ganny atake Lendi swar dan zanmerant La Pirogue,  lo Praslin.

Swivan rezistans latak kont zot sa madanm in ganny dimal (morde) dan son pti ledwa lanmen kote gos tandis ki son msye in sibir en felir dan lipye kote gos.

Sa koup ki ti pe reste Le Duc de Praslin in resevwar tretman medikal apre ganny large.

Lanket i an progre dan sa ka.

Saturday, 04 November 2017 Communique

Lapolis in raporte ki sa 3 sispe dan ka lanmor Msye Simon Esparon ki zot in arete depi ki lanket in konmanse dan sa ka in pas ankor ankour yer apremidi e lakour in ordonnen ki zot reste lo rimann pour ankor 14 zour. Prosen aparisyon sa 3 sispe ankour pou le 17 Novanm.

Antretan lapolis i kontinyen avek sa lanket.


Lapolis in egalman raporte ki sa sispe 19-an ki ti pe rimann dan ka lanmor Msye Derrick Gill lo Praslin boner mwan pase in ganny sarze pour lofans omisid envolonter (manslaughter).

Sa akize in ganny large lo serten kondisyon tre serye ankontan remet tou son bann dokiman voyaz avek lakour.

Lapolis in raporte ki zot pe fer lanket dan en ka kot en zonm 21-an i admit lo ward Lopital Sesel apre ki in ganny blese dan son likou (28 pwen zegwir) swivan en bagar kot en bar Merkredi granmaten.

Kondisyon sa zonm in ganny dekri konman stab.

Swivan lanket ki pe ganny fer dan sa ka 3 sispe in ganny arete.

Lanket dan sa ka i kontinyen.


Swivan rapor fer par en madanm  ki reste Bazarka  Grand Police dan distrik Takamaka  konmkwa in apersevwar en dimoun (dan detres) pe rankontre difikilte dan lanmer Grand Police Merkredi apremidi, lapolis lamarin ansanm avek gard lakot Sesel in mont en loperasyon resers depi  Merkredi menm pour rod sa dimoun me ziska presan  resers pa ankor abouti dan nanryen.

Swivan sa rapor fer ver 3.55 apremidi Merkredi  avek  loperasyon resers ki’n repran depi yer bomaten, lapolis pe demande ki lidante nenport dimoun ki manke kot zot lakour i ganny raporte avek lotorite konsernen.

Lo menm not sa lapel ki lapolis pe fer i aplik pour bann letablisman touristik osi byen ki bann lazans touris.

Thursday, 02 November 2017 Communique

Lapolis in raporte ki en zonm 29-an ki reste Port Glaud i admit dan younit swen entansif apre ki loto ki i ti pe dray ti kit semen e tap dan en miray Beoliere dan zanmerant supermarket STC ver 11er Mardi swar. Kondisyon sa zonm in ganny dekri konman kritik.

Sa i fer 3enm aksidan grav raporte arive dan sa dernyen 8 zour.


Sa zonm 35-an ki ti enplike dan aksidan moter avek en bis Takamaka Mardi pase osi byen ki sa zonm 63-an ki ti ganny tape par en loto dan zanmerant laboutik Mohan Plaisance Sanmdi swar zot osi zot ankor admit dan younit swen entansif.

Pandan ki lanket dan tou le 3 ka i an progre lapolis pe ankor enn fwa lans lapel avek motoris konman pyeton pour pran bokou plis responsabilite avek prekosyon letan ki zot pe deservi larout piblik.

Roddy Williams, who is from Seychelles, has been arrested on suspicion of having detained his wife Nathalie Williams and dumping her into an underground hole in Kalkara and left for dead.

According to the Malta Independent, Nathalie Williams, 46, was reported missing on Friday and was found late on Monday evening. The woman was found in an underground space near Fort Ricasoli and Fort Rinella in Malta.

Speaking to the Malta Independent, Nathalie’s father, Charles Higgans, revealed that the couple had a history of domestic violence. The police were aware of this because Nathalie had filed numerous reports over the years. Some years back, in fact, Roddy Williams was convicted of having caused the woman grievous injuries.

Sa trwazyenm sispe ki ti ganny arete le 28 Oktob 2017 konman sispe dan sa ka mert ki ti arive Dimans le 22 Oktob 2017 kot Msye Simon Esparon ti perdi son lavi, in ganny anmennen ankour yer apremidi e lakour in ordonnen ki i ganny rimann ziska le 3 Novanm kan i pou repas ankour ansanm avek sa de lozot ki ti’n deza ganny rimann avan li.


Lapolis in egalman raporte ki en zonm 31-an in osi pas ankour yer apremidi e ganny rimann ziska Lendi le 6 Novanm 2017.

Sa i an relasyon avek en ka ‘kas batiman e vole’ ki ti arive wikenn pase kot en letablisman touristik dan distrik Takamaka, osi byen ki pour lofans ‘unlawful use of vehicle’ (savedir servi e dray en transpor san permisyon son met).

Antretan lanket i kontinyen.

Communiqué Filter

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31