Kominike Lapolis

Tamires, Souza Hurbath Dos Santos avek nasyonalite Brezilyen in kondann 26an Prizon, pour lofans lenportasyon en drog kontrole.

Tamires ti ganny entersepte lo Erport Enternasyonal Sesel apre son larive le 29 Zen 2024, kot swivan lafouy fer lo li. Lapolis ti sezi dan son posesyon 2438.17 granm Cocaine.

Ziz Lakour Siprenm ki ti pe ekout sa ka, ti ordonnen ki sa kondannen pa ganny remisyon lo son santans. Sa, se akoz natir sa lofans I enn ki tre serye, e pe vin pli komen Sesel kot bann etranze pe sey enport drog Sesel. Ziz ti refer sorti ki lalit kont drog I reste koman en defi, e drog pe afekte sa zenerasyon ki pe grandi, kot pe kre problenm lasante, fleo sosyal dan lakominote, kot bann etranze pe servi Sesel koman en zarden zanfan, pou zot benefis personnel atraver bann aktivite ilegal, e ki sa I bezwen ganny arete, e ki sa santans I ava vin e mesaz kler pour lezot, ki Sesel pa pe toler okenn aksyon parey dan son ziristriksyon.

Departman Lapolis