Kominike Lapolis

Rudolph Gertrude aze 18an, Chanio Larue aze 14an, Liam Alcindor aze 16an e Giliano Morel aze 18an sorti dan distrik Anse Aux Pins ek Takamaka, zot in formelman ganny sarze devan Lakour Mazistra Anse Royale dan sertan ka vol Scooter ki tin resaman arive dan rezyon Anse Aux Pins e Au Cap.

Mazistra ki ti pe ekout sa ka, in larg sa 4 akize lo sa bann kondisyon swivan; Akize nimero 2 ek 3 pour bezwen pey en kosyon 3mil roupi sakenn pou zot laliberte provizwar, sa I sa 2 miner.

Akize Nimero 1 ek 4 pou bezwen, pey en kosyon 7mil 500 roupi pou zot laliberte provizwar, pou sinny Liv Lakour 2 fwa par semenn dan kordgard Anse Aux Pins avan 6er diswar. Sa 4 akize in ganny ordonnen pou pa enterfer avek temwen dan sa ka, e osi pou pa komet okenn lofans similer pandan letan ki zot pou deor lo laliberte Provizwar, e zot pou bezwen prezan devan Lakour a sakfwa zot ka pe ganny ekoute.

Sa ka pou repas dean Lakour le 27 Novanm 2024.

Departman Lapolis