Kominike Irzan

Stephen Barbe, koni koman Kopen aze 45an sorti La Retraite. In ganny raporte manke la aswar avek lapolis.

 

Msye Barbe tin kit ater La Retraite, ozordi bomaten abor en Bato Fiber Glass, SZ 2279, apele La Belle Ash, kouler ble andeor, rebor zonn e anndan kouler blan, avek en masin 40 lo la. Dapre rapor inisyal ki lapolis in ranmase Msye Barbe, tin ekspekte pe al lapes ant lapwent Zil Mamelles e Aride. 

 

Msye Barbe tin ekspekte antre ater, ver 5er 30 a 6er 30 diswar, Msye Barbe ti dan en konnson kouler gri, avek en kapot kouler zonn.

 

Lapolis pe lans en lapel irzans avek okenn propriyeter bato, ek bann peser ki lo lanmer pour enpe pli virzilan, si anka zot in apersevwar sa bato, pour antre an kontak avek Sant Komann lapolis lo 4288000 ou lanir dirzans 999 ou 112.