Training

Dan en seremoni ki ti fer yer apremidi kot Lakademi Lapolis, en group 16 Zofisye Servis Prizon Sesel in resevwar zot sertifika apre ki zot in termin en lantrennman 2 semenn kot sa lakademi.

I fer premye fwa ki Servis Prizon Sesel I kolabor avek Lakademi Lapolis pou fasilit lantrenman pou son bann zofisye. Sa I avek le bi, ki son bann zofisye I ganny ekipe avek bagaz neseser ki ava ed zot dan zot lanir travay. Lapolis an partenarya avek Servis Prizon Sesel pou kontinyen travay ansanm pou fer lezot lantrenman a lavenir pou ki lezot zofisye I osi benefisye.

En partisipan dan sa kour ti refer sorti, ki apre sa lantrenman ki zot in sivre " pou napa, okenn dife ou byen dezas ki pou arive ki zot pa pou kapab sirmonte".

Prezan kot sa seremoni ti Komisyoner Servis Prizon Sesel Mesye Raymond St Ange, Depite Komisyoner Lapolis Msye Francis Songoire, konmandan Lakademi Lapolis Asistan sirentandan Hendrika Marie, bann o zofisye dan lafors lapolis e Servis Prizon.