Kominike Lapolis
Bruna, Santos De Oliveira aze 25an avek nasyonalite Brezilyen in kondann 28an Prizon, ozordi bomaten devan Lakour Siprenm. Sa i pour lofans lenportasyon en drog kontrole. E ziz in ordonnen ki Santos De Oliveira pa ganny okenn remisyon lo son santans, e ki letan ki in fer lo rimann I ganny dedwir lo son santans.
Santos De Oliveira ti ganny entersepte lo Erport Enternasyonal Sesel le 15 Zanvye 2025, apre son larive abor en vol Emirates sorti Dubai, swivan lafouy lapolis ti dekouver dan posesyon sa kondannen dan enn son bagaz en kontenir ki ti pez 4523.8 granm, ki ti ganny analize e konfirmen ki sa kontenir ti en drog kontrole Kokainn avek en pirite 24 pour 100 (24%), kontenir 1085.7granm pirman Kokainn.
Ziz ti refer sorti, ki si sa kantite poursantaz drog tin ariv lo marse lokal, ti pou annan en lenpak katastrof lo bann vilnerab, I ti osi refer sorti klerman, ki si en endividi I deside pou angaz son lekor dan en aktivite kriminel parey, I bezwen pare osi pou li fer fas avek konsekans son aksyon.
Lofans Lenportasyon en drog kontrole klas A, I anmenn en santans Lavi Prizon, ou en santans pli ba 20an Prizon, ou en lanmann 1 milyon roupi.
