Kominike Lapolis
Mervin Florentine sorti Corgate Estate, dan distrik Mont Fleuri ek Sheldon Mondon sorti Perseverance. In formelman ganny sarze devan Lakour Mazistra Ile Du Port, dan 2 ka kas batiman e vole e pou trespas kriminel. Florentine ek Mondon ti komet sa lofans le 8 Avril 2025 kot en Take Away, ki sitiye lo lari Thelemaque akote Ansyen Zarden Zanfan Anvil.
Mazistra ki ti pe ekout sa ka, in larg Florentine ek Mondon lo sa bann kondisyon swivan;
- kot sakenn pou bezwen pey en kosyon 8mil roupi pour zot laliberte provizwar.
- prodwir en dimoun koman en garanti 7mil 500 roupi sakenn.
- sinny liv Lakour dan Kordgard Mont Fleuri e Perseverance 2 fwa par semenn.
- en kouvrefe depi 7er diswar ziska 5er 30 bomaten.
- pou pa enterfer avek okenn temwen dan sa ka
- pou pa komet okenn lofans similer pandan letan ki zot deor lo laliberte provizwar.
Viki sa 2 akize pann reisi akord demann Lakour pou sakenn pey sa kosyon 8mil roupi zot in ganny rimann Prizon Montagne Posse. Si I arive zot fer sa peyman zot pou ganny large e zot pou bezwen sivre sa bann kondisyon ki Lakour in enpoz lo zot.
