Kominike Lapolis

Jean-Francoise Esparon aze 22an sorti Anse Gaulette, Baie Lazare in formelman ganny sarze devan Lakour Mazistra dan en ka andomaz propriyete, obtenir larzan lo fo pre teks e vole. Esparon ti komet sa lofans le 11 Avril 2025, kot Inter Island Quay kot I ti vol en transpor, e plitar obtenir larzan lo fo pre teks apre ki I tin lwe sa transpor avek en lot endividi ilegalman. 

Mazistra ki ti pe ekout sa ka, in revok bann kondisyon, ki Lakour tin enpoz lo Esparon pli boner semenn pase dan en ka. Sa I apre ki Esparon in kas lord e kondisyon Lakour kot I pann al sinny Liv Lakour, I pann respekte son kouvrefe kit i anfors depi 7er diswar ziska 5er bomaten, kot in komet sa enn lofans aswar. Mazistra ti la ordonnen ki I ganny garde lo rimann Prizon Montagne Posse ziska dennyen determinasyon dan son ka. 

Departman Lapolis