Kominike Lapolis

En msye 60an sorti Ma Constance in admit lopital Sesel, e son kondisyon in ganny dekrir koman serye.

Sa i anrezilta en lensidan kin ganny raporte avek lapolis, arive le 5 Mars 2025, Ma Constance. Dan sa ka, en garson 30an sorti Ma Constance li osi, in pas devan Lakour Mazistra ozordi bomaten pour lofans koz dimal grav en endividi.

Mazistra ki ti pe ekout sa ka in larg sa sispe lo plizyer kondisyon; kot i pou bezwen pey en kosyon 30 mil roupi pou son laliberte provizwar, pou remet son paspor e bann dokiman vwayaz avek Lakour, pou sinny Liv Lakour dan kordgard Perseverance 3 fwa par semenn, pou pa apros sa konplenan e son rezidans en zistans 30 met, e pou pa enterfer avek okenn lenvidans potansyel dan sa ka. Viki sa sispe pan reisi akord demann Lakour pou pey sa kosyon 30mil roupi in aprezan ganny rimann 14 zour andetansyon Lapolis. Si I arive peye, I pou ganny large e I pou bezwen sivre sa bann kondisyon ki Lakour in enpoz lo li.

Departman Lapolis