Kominike Lapolis

Shane Labiche aze 21an sorti Quincy Village, in formelman ganny sarze devan Lakour Mazistra dan 3 ka. Sa I pou lofans andomaz en propriyete, menas an servan vyolans, e sove andetansyon lapolis.

Mazistra ki ti pe ekout sa ka, in larg Labiche lo sa bann kondisyon swivan; kot I pou bezwen pey en sonm 9mil roupi an total pour son laliberte provizwar, prodwir en dimoun koman en garanti 5mil roupi dan sakenn son ban ka pou asir son prezans devan Lakour, pou sinny Liv Lakour 3 fwa par semenn dan kordgard Santral ant 8er bomaten a 6er diswar, pou pa enterfer avek temwen dan sa bann ka, pou pa komet ou ganny sarze avek okenn lofans similer pandan letan ki I deor lo laliberte provizwar, viki Labiche pann reisi akord demann Lakour pou pey sa kosyon 9mil roupi.

I aprezan ganny rimann Prizon Montagne Posse, ziska ki I kapab pey son kosyon, kot si i arive peye, I pou ganny large e I pou bezwen sivre sa bann kondisyon ki Lakour in enpoz lo li. Sa ka pou repas devan Lakour le 4 Novanm 2024.

Departman Lapolis