Kominike Lapolis

6 zonm ek en madanm, in ganny sarze devan Lakour Siprenm ozordi apremidi, dan ka kot sa 3 zonm Seselwa ti ganny entersepte abor en bato lwazir par Gard Lakot Sesel le 7 Oktob 2024, pour lofans lenportasyon en drog kontrole, e konplo pou enport en drog kontrole. Sa I kanabis zerbaz anviron 29 kilo granm, anviron 25 kilo granm Heroin ( Diamorphine) e anviron 137 kilo granm kanabis rezin. Sa bann akize I ;

1. Dyaln, Neddy, Charles Kate aze 22an ki pa dan en lanplwa sorti Beau Vallon

2. Sonny, Christopher, Justin Valentine aze 41an ki en plonzer sorti Anse Royale

3. Oris, Richard Tirant aze 26an ki en Patron bato sorti La Passe, La Digue

4. Craig, Kirk, Henry Ferley aze 25an ki en drayver sorti Beau Vallon

5. Lisa, Naisa Fanchette aze 19an ki pa dan en lanplwa sorti La Digue

6. Alfredo, Jean-Pierre Ernesta aze 34an ki pa dan lanplwa sorti Anse reunion, La Digue

7. Robin, Terrence Micock aze 57an ki travay koman en zournalye sorti Belonie

Ziz ki ti pe ekout sa ka, in larg Craig Ferley, Lisa Fanchette, Alfredo Ernesta, ek Robin Micock lo sa bann kondisyon swivan, kot sakenn pou bezwen pey en kosyon 75mil roupi pou zot laliberte provizwar, sakenn pou bezwen prodwir en dimoun koman en garanti dan sa ka, zot pou bezwen raport kordgard pli pros avek zot distrik toule Vandredi pou sinny Liv Lakour, pou pa angaze dan okenn aktivite ilegal, pou pa enterfer avek temwen dan sa ka, pou remet zot paspor ou bann dokiman vwayaz avek Lakour, ki zot napa dwa kit ziristriksyon Sesel. Sa ka pou repas devan Lakour Siprenm le 4 Novanm 2024, 2er apremidi, ziska prezan sa bann akize pa ankor kapab akord demann Lakour ki fer zot ganny rimann andetansyon Lapolis, ziska ler zot kapab pey sa kosyon 75mil kot zot pou ganny large e pou bezwen sivre sa bann lezot kondisyon.

Departman Lapolis