Kominike Lapolis

Alex Alissop aze 52an ki en zabitan Mahe, me ki pe reste La Digue in formelman ganny sarze devan Lakour Mazistra Mahe, dan 3 ka. Sa I pou lofans lagresyon fizik lo en zofisye lapolis, reziste larestasyon, e konportman dezordonnen dan en batiman lapolis. 

Sa lensidan ti ariv le 31 Out 2024, lo La Digue menm, apre ki en zofisye ansanm avek lezot son koleg ti pe aret sa akize, ki ti arme avek en zouti.

Mazistra ki ti pe ekout sa ka in larg Alissop lo sa bann kondisyon swivan; kot in sinny en kosyon 6 mil roupi pou son laliberte provizwar, pou pa ganny sarze avek okenn lofans similer pandan letan ki I deor lo laliberte provizwar, pou pa enterfer avek temwen e viktim dan sa ka. Sa ka pou repas devan Lakour Mazistra Praslin le 23 Septanm 2024.

Departman Lapolis