Kominike Lapolis

Peter Rose aze 47an sorti Mare Anglaise, Beau Vallon. In formelman ganny sarze devan Lakour Mazistra dan 3 ka, sa I pou lofans trespas kriminel, lagresyon verbal, e lagresyon fizik.

Mazistra ki ti pe ekout sa ka in larg Rose lo sa bann kondisyon swivan; pou pey en kosyon 5 mil roupi pou son laliberte provizwar, kin fini ganny peye, ki fer Rose in aprezan large. I pou bezwen sivre sa bann kondisyon swivan; Prodwir en dimoun koman en garanti 5mil roupi dan son ka, pou asir son prezans devan Lakour a sakfwa son ka pe ganny ekoute, pou sinny Liv Lakour 3 fwa par semenn dan kordgard Beau Vallon, pou pa enterfer avek temwen dan sa ka, pandan letan ki I deor, pou pa komet ou ganny sarze avek okenn lofans similer, en kouvrefe depi 7er diswar ziska 6er bomaten, pou remet son paspor e bann dokiman vwayaz avek Lakour, e I napa dwa kit ziristriksyon Sesel.

Departman Lapolis