Kominike Lapolis

Alexander Emile aze 26an sorti Cascade in formelman ganny sarze devan Lakour Mazistra dan 3 ka, sa I pou lofans; lagresyon fizik lo en endividi, menas an servan vyolans e an posesyon en zouti ofansiv.

Emile ti komet sa lofans yer bomaten kot en lakaz Cascade, kot I ti menas en endividi avek en gran kouto. Answit menas e bles en zonm ki ti obor semen Cascade, avek en gran kouto e koz li dimal.

Mazistra ki ti pe ekout sa ka, in larg Emile lo sa bann kondisyon swivan; kot I pou bezwen peye en kosyon 7mil 500 roupi pou son laliberte provizwar. Emile pann resi akord demann Lakour ki fer I aprezan ganny rimann Prizon Montagne Posse. Si I arive pey sa kosyon, I pou ganny large e I pou bezwen sivre sa bann kondisyon swivan; pou pa enterfer avek temwen dan sa bann ka, pou prezan ankour a sakfwa son ka pe ganny ekoute, pou sinny Liv Lakour 2 fwa par semenn dan kordgard, e pou pa komet ou ganny sarze avek okenn lofans pandan letan ki I pou deor lo laliberte provizwar.