Kominike Lapolis

Neaton, Sairish Hertel aze 21an sorti Belombre in kondannen dan en ka Okazyonn lanmor en dimoun par dray dan en fason danzere.

 

Hertel ti komet sa lofans le 18 Desanm 2021 dan distrik Anse Aux Pins. Sa ti pandan letan ki I ti pe dray en transpor ver direksyon Lavil dan en fason neglizans e danzere lo en larout piblik, kot I ti “ Overtake” en transpor ki ti pe fer menm direksyon avek li, zis an kitan Stasyon Lapolis Anse Aux Pins. Hertel ti perdi kontrol son transpor e tap en pyeton ki ti pe debout anba Terminal Bis, avan ki sa transpor ti al rann lapel dan en rigol zis akote sa terminal bis. viktim sa aksidan ki ti perdi son lavi ti en zonm 60an sorti Anse Aux Pins. Hertel ti annan 19an letan ki I ti komet sa lofans.

 

Ziz ki ti pe ekout sa ka, ti enpoz en santans 2an Prizon lo Neaton, Sairish Hertel, ek en lanmann 100 mil roupi ki I pou bezwen peye pandan 2an, kot si I pa peye I pou fer en term 1 an Prizon. Ziz in osi ordonnen ki en sonm 80 mil roupi ladan I al koman en konpansasyon pou fanmiy sa defen.

 

Departman Lapolis