Kominike Lapolis

Jimmy, Francoise Kilindo aze 62an sorti Point Larue in kondannen dan en ka dray en transpor lo larout piblik dan en fason danzere ou neglizans kin poz en danze pou lavi en imen.

Kilindo ti komet sa lofans le 5 Zen 2023, lo lari konstitisyon. Sa ti pandan letan ki I ti pe dray en bis prive kot I ti tap en zonm ki ti pe travers semen e koz son lanmor.

 

Konseye legal Msye Kilindo ti refer sorti dan son pledwari, ki sa akize ti son premye lofans ki I tin konmet. I annan 5 zanfan e parmi enn son zanfan i trouv fanmiy sa defen dan sa ka, e ki fanmiy sa viktim tin pardon msye Kilindo, kot zot in demann Lakour ki I pa fer en santans Prizon. Sa I akoz, I kapab annan en lenpak lo son zanfan ki ankor tre pti e ki zot rekonnet ki sa aksidan in afekte sa akize, msye Kilindo tin endik lakour ki I pa pou dray ankor e ki lakour I kapab kansel son laysens dray. E la ziz kit i pe ekout sa ka ti pran an tout konsiderasyon pledwari sa konseye legal.

 

Zis in kondann Jimmy, Francoise Kilindo en term 2an Prizon ek en lanmann 15 mil roupi ki I pou bezwen peye pandan 6mwan, kot si I pa peye I pou deserve en term 2 mwan Prizon. E in ordonnen ki sa santans I ganny sispann pou en peryord 2an.

 

Departman Lapolis