Kominike Lapolis

Mario Atala aze 28an sorti Anse Aux Pins in formelman ganny sarze devan lakour Siprenm, ozordi pou lofans koz dimal grav en dimoun.

Lakour in enpoz sa bann kondisyon swivan lo Atala, kot I pou bezwen pey en kosyon 50 mil roupi pou son laliberte provizwar, prodwir 2 endividi koman en garanti dan son ka, pou sinny liv lakour 1 fwa par semenn kot kordgard Santral, e pou pa enterfer avek temwen dan sa ka.

 

Atala pann reisi akord demann Lakour ki fer I ganny rimann andetasnyon Servis Prizon Sesel, parkont si Atala I arive pey sa kosyon 50 mil roupi I pou ganny large, e I pou bezwen sivre sa bann kondisyon ki Lakour in enpoz lo li. E I ekspekte repas devan Lakour le 3 zen 2024.

 

Atala ti komet sa lofans le 4 Me 2024, ver 6er 28 diswar, apre ki I tin prezimen tir “tear gas” dan en bis Sptc ki ti pe fer direksyon Lavil ansortan dan Nor Mahe, e gravman bles en zonm 27an sorti Providance avek nasyonalite Sri Lankenn avek en zouti lo en parti son lekor kot sa viktim ti admit dan Younit Swen Entansif.

 

Departman Lapolis