Kominike Lapolis

Pascal Mein aze 34an ki travay koman en zournalye sorti Perseverance, in formelman ganny sarze devan Lakour Mazistra dan 2 ka. Sa I pou lofans vole e lesey pou vole.

Mazistra in enpoz sa bann kondisyon swivan lo Mein dan premye ka I pou bezwen pey en kosyon 7mil roupi pou son laliberte provizwar, pou pa komet ou ganny sarze avek okenn lofans similer pandan letan ki I pou deor lo laliberte provizwar, pou raport kordgard Perseverance 2 fwa par semenn pou sinny liv Lakour. Mein in fini pey sa kosyon 7mil roupi kot in ganny large dan sa enn ka.

Dan dezyenm ka Mein in ganny large lo en kosyon 4mil roupi e menm kondisyon parey dan premye ka. Mein in osi fini pey son kosyon dan sa enn ka, ki fer I pou bezwen sivre sa bann kondisyon swivan ki Mazistra in enpoz lo li. I pou repas devan Lakour le 3 Zen 2024.

Departman Lapolis