Sispe I komans ganny sarze dan lensidan le 9 Mars Port Glaud

Lapolis pe raporte ki sa zonm 25 an dan lensidan le 9 Mars Port Glaud in formelman ganny sarze pou lofans andomaz propriyete e konportman dezordonnen dan kordgard.

Sa zonm kin fer 14 zour lo rimann e ki ti repas ankour yer Mardi in ganny large lo serten kondisyon apre ganny sarze devan lakour mazistra.

Si zanmen sa akize I kas serten sa bann kondisyon kin ganny enpoze lo li pou son liberte provizwar I pou reganny arete, ganny anmenn ankour e ganny rimann ziska son zafer I ganny ekoute.

Ou ava rapel ki i annan ankor 2 sispe ki pe ganny porsekite dan sa ka, sa I en madanm 33 an ek son konpanny aze 32 an ki egalman reste Port Glaud.