Lapolis pe raporte ki viktim sa aksidan fatal Au Cap yerswar i Dario Derothe aze 20 an sorti dan distrik Anse Aux Pins .

Lapolis ti ganny alerte lo sa aksidan ver 7:25 diswar. Lenformasyon preliminer ki lapolis in anmase se ki sa scooter ti pe fer direksyon Anse Aux Pins an sortan Au Cap, annarivan dan zanmerant pon apre lekol Au Cap.

Sa ti vin apre ki en moter ti perdi kontrol letan i pe overtake i ti bat dan en miray, apre en loto avek en bis Sptc. Swivan sa aksidan sa drayer bis ti ganny arete akoz lalkol dan son lekor ti parlao limit preskri par lalwa. Sa garson ti ganny transporte lopital Sesel pou swen medikal entansif kot plitar i ti ganny sertifye mor ver 8er diswar par dokter kot sa sant lasante.

 

En lanket detaye in konmanse dan sa ka pou etablir sirkonstans sa aksidan annatandan rapor rezilta letopsi