Kominike (Santans)
Graig Pillay aze 25an sorti Corgate Estate dan distrik Mont Fleuri, in kondannen devan Lakour Siprenm dan 2 ka. Sa I pour lofans trafik en drog kontrole e an posesyon en drog kontrole.
Dan premye ka Pillay in kondann en term 15mwan Prizon, e dan dezyenm ka in kondann en term 3mwan Prizon, me Ziz in ordonnen ki son santans I mars ansanm, ki fer I pou selman fer en term 15 mwan prizon. Pillay ti ganny arete le 23 Fevriye 2021 dan en loperasyon Corgate Estate kot lapolis ti sezi dan son posesyon 53.25 granm Heroin (Diamorphine), ek 23.43 granm Heroin ( Diamorphine) avek en sonm diznef mil twasan swasannkenz roupi (SR19,375/-). Mazistra in ordonnen ki sa sonm larzan ki ti ganny sezi dan son posesyon, I vin pou larepiblik Sesel.
Ziz ti pran plizyer konsiderasyon avan pas santans lo Pillay; tel ki I tin pled koupab a son premye lestan kan I tin ganny loportinite, ki fer I pann gaspir letan Lakour, I regrete pour lofans ki I tin komet e son sirkontans familyal ki I ti pe viv ladan.
I enportan note ki Heroin (Diamorphine) I ganny konsidere koman en drog anba klas A, ki letan en endividi I ganny kondannen pour en lofan relye avek sa klas drog, son santans I anmann ziska en santans Lavi prizon e ant 5 a 10an prizon depandan lo lakantite kin ganny sezi.
