Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (447)

Michel Estrale aze 50 an sorti Le Niole pran kontak avek ou fanmiy irzan oubyen raport kot okenn stasyon lapolis. Michel Estrale in kit lakour son fanmiy depi yerswar Merkredi le 23 Mars 2022 ziska prezan son fanmiy pa konnen kot i ete.

Lapolis pe demann nenport endividi kin vwar oubyen annan lenformasyon kote Michel Estrale i kapab ete pou kontakte son sant komann lo 4288000 ou kordgard Beau Vallon lo 4288096 irzan.

Lapolis pe raporte ki in komans lanket swivan lensidan kot en garson 20 an ki reste St Louis in prezimen noye Kot en “waterfall’’ Grand Anse ki PUC I ranmas delo, trete e apre redistribye.

Dapre rapor sa garson, Jean Michel Dufresne ki pa konn naze e ki ti anploye avek divizyon lafore tin al rod delo pou bwar letan I ti glise e tonm dan delo.

O moman sa lensidan Jean Michel ti akonpannyen par enn son koleg travay ki dir I ti esseye pou sov li me I pann reisi.

Sa lensidan ti ganny raporte avek lapolis ver 12:30 ozordi.

Lanket pe kontinnyen dan sa ka pou etablir sirkonstans otour sa lensidan trazik annatandan rezilta letopsi pou determin ekzakt lakoz lanmor Jean Michel.

Lapolis pe raporte ki sa zonm 25 an dan lensidan le 9 Mars Port Glaud in formelman ganny sarze pou lofans andomaz propriyete e konportman dezordonnen dan kordgard.

Sa zonm kin fer 14 zour lo rimann e ki ti repas ankour yer Mardi in ganny large lo serten kondisyon apre ganny sarze devan lakour mazistra.

Si zanmen sa akize I kas serten sa bann kondisyon kin ganny enpoze lo li pou son liberte provizwar I pou reganny arete, ganny anmenn ankour e ganny rimann ziska son zafer I ganny ekoute.

Ou ava rapel ki i annan ankor 2 sispe ki pe ganny porsekite dan sa ka, sa I en madanm 33 an ek son konpanny aze 32 an ki egalman reste Port Glaud.

En ‘manager’ laboutik lo Praslin in ganny anmenn ankour ozordi bomaten kot in formelman ganny sarze pou lofans vol (stealing by servant).

Rapor sa lensidan e larestasyon sa manager endyen aze 30 an Vandredi le 18 Mars ti vin apre ki propriyeter sa laboutik tin fer en odit lo bann tranzaksyon son laboutik swivan labsans sa ‘Manager’ dan pei e dekouver ki en gro sonm larzan ti manke.

Sa aprezan akize ki tin al vakans dan Lenn depi lafen Zanvye sa lannen ti retourn Sesel le 13 Mars in anploye koman responsab sa laboutik depi 2014.

Mizistra in ordonnen ki sa akize I ganny rimann pou retourn ankour le 4 Avril.

Antretan lapolis I kontinnyen avek son lanket dan sa ka.

2 garson enn  20an, lot 24 toulede sorti Mont Signal e en fiy 21 an sorti Roche Caiman ti ganny transporte lopital Sesel pou swen medikal swivan en aksidan Beau Vallon ozordi granmaten.
 
Lapolis ti ganny alerte lo sa aksidan ver 5.45  apre ki transpor ki sa 3 dimoun ti ladan ti pe fer direksyon lavil kot  drayver ti perdi kontrol  bat dan en  miray e andomaz en sir trafik.Sa 3 dimoun in ganny trete apre ganny large lopital. 
En garson 15 an e lot 17 an toulde sorti Petit Paris in ganny arete e pe detenir konman sispe dan en ka vol ek aksidan.
 
Lapolis ti ganny alerte ver 8:30 diswar lo en aksidan Petit Paris kot en scooter ki ti pe fer direksyon lavil ti bat lo en transpor ki ti pe fer mannev pou antre dan en lale.
 
Swivan lanket dan sa ka vol lapolis ti dekouver ki sa 2 sispe anba laz napa en laysens e sa scooter tinn ganny raporte vole depi le 13 Mars 2022 Bougenville.
Lapolis ti ganny alerte lo sa aksidan ver 7:25 diswar. Lenformasyon preliminer ki lapolis in anmase se ki sa scooter ti pe fer direksyon Anse Aux Pins an sortan Au Cap, annarivan dan zanmerant pon apre lekol Au Cap.
Sa ti vin apre ki en moter ti perdi kontrol letan i pe overtake i ti bat dan en miray, apre en loto avek en bis Sptc. Swivan sa aksidan sa drayer bis ti ganny arete akoz lalkol dan son lekor ti parlao limit preskri par lalwa. Sa garson ti ganny transporte lopital Sesel pou swen medikal entansif kot plitar i ti ganny sertifye mor ver 8er diswar par dokter kot sa sant lasante.
 
En lanket detaye in konmanse dan sa ka pou etablir sirkonstans sa aksidan annatandan rapor rezilta letopsi
En Madanm 35 an sorti Perseverance in ganny arete e pe detenir ankoneksyon avek en lensidan kin arive Perseverance.
 
Sa sispe Madanm in fizikman agres en zofisye lapolis madanm, enterfer dan louvraz lapolis e pou konport son lekor dan en fason dezordonnen dan stasyon lapolis.
 
Sa sispe i espekte ganny anmenn ankour Lendi.
En zonm 37an Sorti Petit Paris in yer bomaten le 18 Mars 2022 ganny arete dan rezyon Perseverance.
 
Sa zonm ti ganny arete par en zofisye lapolis madanm ki pa ti pe travay a sa letan kot i ti apersevwar sa transpor ki ti pe fer direksyon lavil tin mont lo trotwar mank tap serten pyeton ki ti pe esper bis lo en bus stop. Swivan son lentervansyon i ti reisi anbark dan sa transpor fer manev ki sa drayver ti aret sa transpor e deswit lasitans ti ganny deplwaye pou asiste.
 
Test lalkol fer lo sa drayver ti par lao limit ki lalwa i preskrir.
 
Departman Lapolis i oule salye zefor brav ki sa zofisye in fer pou anpese ki ti ava annan okenn fatalite dan sa lensidan.
Sa sispe Madanm aze 32 an e son konpany 33 an toulede sorti Port Launay ki ti lo rimann swivan en lensidan le 9 Mars 2022 kot stasyon lapolis Port Glaud. In yer Vandredi le 18 Mars 2022 ganny anmenn ankour kot lakour in larg sa 2 sispe lo serten kondisyon tel parey:
 
*Pey en "Cash Bail" 5mil roupi
 
*Raport kordgard PortGalud ant 6er bomaten a 6er diswar pou vin sir liv
 
*Pa enterfer avek okenn temwen dan sa ka
 
*Pa konmet okenn lofans pandan letan ki zot lo laliberte provizwar 
 
Si sa 2 sispe i kas okenn ant sa bann kondisyon e lord ki lakour in enpoz lo zot pou ganny riman ziska zot ka i ganny ekoute.

Communiqué Filter

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31