Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Communique

Communique (350)

Tuesday, 19 September 2017 Communique

Lapolis in raporte ki Roy Estico, en zonm 44-an ki reste Bel Air e ki ti pe rimann prizon Montagne Posée pour lofans kas lakaz e vole, in sove dan prizon e i pa ankor ganny retrouve.

Estico (nou portre) i nwanr e i mezir apepre 1met 70 (1.70m).

Apard son ladres rezidansyel ki Bel Air, dapre lenformasyon i osi frekant dan zanmerant Saint Louis ek Belonie.

Lapolis pe demann Roy Estico pour rann son lekor o pli vit posib kot en kordgard pli pre.

Lapolis pe osi lans en lapel avek manm piblik ki annan nenport lenformasyon ki kapab ede pour atrap Estico pour silvouple pran kontak avek Sant Komann Lapolis oubyen kordgard pli pros.

Seychelles Police

Antretan lapolis in konfirmen ki en zonm ki ti’n raporte manke Merkredi pase, Joeland Valmont, ti ganny retrouve plitar menm zour ki zot ti anvoy sa lanons atraver medya. Letan i ti ganny retrouve zournal Seychelles NATION ti’n fini enprimen.

Monday, 18 September 2017 Communique

Lanket ki lapolis in fer dan sa ka kot ti annan rapor konmkwa  en madanm 54-an avek son fiy 30-an ti’n posibleman ouswa sispekte ganny vyole dan zot lakaz Anse Aux Pins granmaten le 26 Out  sa lannen in etabli ki personn ant sa 2 madanm pa’n eksperyans en tel akt tromatizan ki vedir ni enn ni lot pa ti’n ganny vyole.

Parkont lanket pe kontinyen pour esey idantifye e atrap 2 zonm ki ti antre dan zot lakaz e vol 3 telefonn, en laptop avek serten sonm larzan sa zour.

En zonm 31-an ti repas ankor devan lakour Vandredi le 15 Septanm e lakour in ordonnen ki i ganny rimann pour ankor 14 zour ziska le 28 Septanm kan i pou repas ankour 1er45 apremidi.

Sa zonm ti pas ankour pour premye fwa le 5 Septanm 2017 dan en ka vole avek vyolans e kot i ti ganny rimann ziska Vandredi le 15 Septanm.

En zonm 29-an ki reste Brillant ti pas ankour Vandredi kot in ganny sarze pour lofans vole dan en lakour rezidansyel.

Lakour in ordonnen ki sa zonm i ganny rimann Montagne Posée ziska ler ki i ganny de dimoun pour sinyen lo son par konmkwa ki zot pour responsab li ler i ganny large.

Konzwentman lakour in osi enpoz en ‘bail bond’ R5000 lo li e kondisyon ki i pa komet okenn lofans si i ganny large.

En zonm 31-an ki reste Glacis ti pas ankour le 13 Septanm 2017 kot i ti ganny sarze pour lofans vole dan en lakour rezidansyel.

Swivan sarz, lakour in larg sa zonm lo en ‘bail bond’ R3000 e anba serten kondisyon ki enkli pour li pa komet okenn lofans similer e pour li raport kordgard Glacis tou le Vandredi pour siny liv ‘Lord Lakour’.

Lapolis in egalman raporte ki en zonm 24-an ki reste St Louis in ganny sarze pour lofans kas lakaz e vole Fisherman’s Cove Estate tou resaman.

Sa akize ki ansemoman in ganny rimann i kapab ganny large lo serten kondisyon si i reisi pey lakour en kosyon 5000 roupi, sinon i pou reste rimann ziska le 25 Septanm zour ki i pou repas ankour kot i ekspekte plede.

Sa akize ti ganny arete Sanmdi granmaten St Louis.

Wednesday, 13 September 2017 Communique

Lapolis in raporte ki i’n sispann en konstab antretan ki en lanket entern i ganny fer kont li swivan rapor ki i’n abiz son  lotorite.

Sispansyon sa gard ki baze kot younit “Response Services” i pran lefe depi Lendi.

Dapre rapor en bis SPTC ti’n aret kot baro larantre sa younit avan 7er Dimans  swar pour rod lasistans akoz en zonm ki ti anba lenfliyans lalkol oubyen sibstans ti pe kree dezord lo bis. De gard kot sa younit ti entervenir e zot ti retir sa zonm dan bis e sa de gard ti anmenn sa zonm anba kot sa fasilite (headquarters Response Services) kot kord gard responsab ti ekspekte ganny kontakte pour vin sers e ‘process’ sa zonm.

Sete la ki dapre rapor en lot gard ti deside pour fer sa zonm ki ti anba lenfliyans roule ater, dan form en pinisyon pour son konportman lo bis piblik. Sete en zofisye pli sinyor ki ti entervenir pour fer sa gard aret son aksyon.

Komisyonner lapolis in fer resorti ki aksyon serye pou ganny pran kont sa gard si zanmen i ganny trouve koupab pour azir dan en fason abiziv akoz son lorganizasyon pa tolere sa bann kalite tretman lo manm piblik.

Wednesday, 13 September 2017 Communique

Lapolis in egalman raporte ki en zonm 24-an ki reste St Louis in ganny sarze pour lofans kas lakaz e vole Fisherman’s Cove Estate tou resaman.

Sa akize ki ansemoman in ganny rimann i kapab ganny large lo serten kondisyon si i reisi pey lakour en kosyon 5000 roupi, sinon i pou reste rimann ziska le 25 Septanm zour ki i pou repas ankour kot i ekspekte plede.

Sa akize ti ganny arete Sanmdi granmaten St Louis.

Lapolis pe resers en zonm, Robin Daniel Delorie aze 38-an, pour en lofans kas lakaz (house breaking) dan distrik Beau Vallon.

Ladres sa zonm i Glacis me dapre leformasyon i osi frekant Machabée ek Rochon.

Adisyonnelman lapolis pe osi resers en lot zonm nonmen Ralph Japhet ki reste Anse Royale pour plizyer lofans kas lakaz e vole dan sa menm distrik.

Seychelles Police

Communiqué Filter

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31