Central Police Headquarters, Victoria
Mon - Fri: 8.00 am to 4.00 pm.
Emergencies
999.
Crime Sropper
133

Communique

Kominike Lapolis

Lapolis in raporte ki Antoine Pool, en zonm 65 an in ganny dekouver mor dan lanmar ki baliz ek en pon pa lwen avek lotel Maia ki pa tro lwen avek kot sa msye I reste.

Sete en pti garson 12 an ki reste dan sa zanmerant ki ti fer sa dekouvert e lapolis ki ganny enformen lo sa lensidan ver 8:10 ozordi bomaten.

Dapre lenformasyon ranmase par lapolis, dernyen fwa ki Msye Pool ti ganny trouve vivan ti yer ver 9er diswar letan I ti kit lakour en zanmi ki reste dan sa zanmerant.

En lanket in komanse pou esey etablir sirkonstans annatandan rezilta letopsi pou determin ekzakt lakoz sa lanmor.

Kominike Lapolis

En zonm 34 an sorti St Louis ti ganny transporte lopital Sesel pou swen medikal ver 6:30 diswar, kot plitar i ti ganny sertifye mor par dokter kot sa sant lasante. Plis detay dan en prosen kominike.

Kominike Lapolis

En  garson 22 an sorti Roche Caiman e en zonm 54 an avek Nasyonalite Britanik ki lo vakans Sesel in ganny transporte lopital Anse Royale pou swen medikal swivan en aksidan Au Cap.
 
Lapolis ti ganny alerte lo sa aksidan ver 4:36 apremidi, en scooter ki ti pe fer direksyon Lavil  ti perdi kontrol tap sa Msye Britanik ki ti pe marse obor semen. Kondisyon sa 2 dimoun in ganny dekrir koman stab. Lapolis in konmans en lanket dan sa enn ka.

Kominike Lapolis

Apre ki lapolis tin resevwar en rapor lo son limero dirzans yer tar apremidi, en loperasyon resers ti komanse pou rode e sov en Madanm Franse 38 an ki tin perdi lo en trail Montanny Trois Feres. Militer e bann unit spesyalize Dan lapolis parey dog unit e pilot " drone " ti pran par Dan sa loperasyon. Sa madanm ti ganny vwar ver Le Niole lwen avek trail Trois Feres dan en bwa parmi kap ros. Ti pran plis ki 4 erdtan ver 5:20 pou 9.edmi diswar pou retir sa madanm kot i tin pri. I tin resevwar detrwa dimal lo parti son lekor.
 
Zofisye lapolis ti administre premye swen avan ki i ti ganny transporte lopital Sesel kot in ganny trete e large plitar. Lapolis I egalman remersye tou dimoun kin ede dan sa loperasyon konzwent kot lavi sa madanm in re isi ganny sove.

Kominike Lapolis

Sa zonm 48 an ki ti ganny arete semenn pase sispe pou en lensidan labi seksyel lo en madanm dan sid Mahe in ganny anmenn ankour yer kot in formelman ganny sarze pou sa lofans.
 
Lakour in ordonnen ki sa aprezan akize pa ganny rimann me plito ganny large lo laliberte provizwar avek plizyer kondisyon.:
 
 
*Remet son paspor e dokiman vwayaz avek lakour
 
*Pa enterfer e ganny kontak avek okenn temwen dan sa ka e apros zot rezidans
 
*Pa enterfer e ganny kontak avek konplenan dan sa ka e apros son rezidans
 
*Siny liv 2 fwa par semenn kot stasyon lapolis Anse Royale
 
* En " bail bound " 10 mil roupi
 
*2 dimoun pou garanti son " bail " saken 50 mil roupi
 
* Pa konmet oken lofans similer  pandan letan ki i lo laliberte provizwar 
 
Sa akize pou aprezan repas devan lakour Lendi le 25 Avril.

Kominike Lapolis

Lapolis pe raporte sa 5yenm zonm ki ti ganny arete boner mwan pase an relasyon avek lanket dan ka lanmor Berney Appasamy lannen pase i en zonm lib. Sa biznesmenn ti ganny large apre ki i tin ganny anmenn ankour apre son larestasyon e lakour ti ordonnen ki napa lenvidans e rezon pou li kontinnyen ganny deternir alor larg li san kondisyon. Ou ava rapel ki i annan 4 sispe kin fini ganny sarze dan sa ka ki zizman pe byento al komans ganny ekoute par lakour siprenm.

4 sispe in ganny arête dan ka vol ile Du Port.

Lapolis pe raporte ki ankor 3 zonm, sispe dan lensidan kas batiman e vole ki ti arive pandan wikenn kot stasyon petrol Ile Du Port in ganny anmenn ankour ozordi kot zot in ganny rimann pou repas ankour le 3 May ansanm avek sa premye sispe  ki ti ganny rimann yer.

 Sa 3 sispe ki sorti Mont Buxton, La Gogue e vilaz Quincy ti ganny arête yer pandan lazournen,

 Lapolis pe kontinny son lanket dan sa ka.

Kominike Lapolis

Lapolis in raporte ki en zofisye sekirite 41 an ki reste La Gogue ek en stevedore 33 an sorti North East Point, sispe  pour lofans vol kont touris in formelman ganny sarze ozordi bomaten devan lakour Mazistra e zot in ganny rimann ziska le 25 Avril zour ki zot pou repas ankour.

Larestasyon sa 2 akize ti fer pandan lazournen yer Merkredi swivan rapor kot 2 iphone pou en viziter etranze ti ganny vole lo lans North East Point Mardi le 12.

Kominike Lapolis

En garson 20 an sorti Grand Anse Pralen in admit D'offay ward lopital Sesel swivan en aksidan e son kondisyon in ganny dekrir koman stab.
 
Lapolis ti ganny alerte lo sa aksidan ver 7er bomaten, sa garson ki ti lo en moter ti pe direksyon Grand Anse o moman kot i ti tonbe lo son moter e resevwar dimal lo serten parti son lekor. I ti resevwar premye swen lopital Baie St Anne Pralen answit ganny transporte lopital Sesel pou swen medikal pli spesyalize.

Kominike Lapolis

Sa zonm 26 an sorti North East Point ki ti lo rimann koman sispe dan en lensidan le 26 Mars, kot en zonm 32 an sorti Les Canelles ti ganny bate dan en piknik Anse Royale.
 
In ganny anmenn ankour yer kot in formelman ganny sarze devan lakour Mazistra Anse Royale pou lofans koz dimal grav en dimoun.
Lakour in larg sa aprezan akize lo plizyer kondisyon tel parey:
 
* Pa enterfer avek temwen dan sa ka
 
* Pa enterfer avek konplenan dan sa ka
 
*Pey en " cash bail " 3 mil roupi 
 
Sa akize pou aprezan repas devan lakour le 19 Avril 2022.

More Articles ...

About

The police force in the Seychelles is a national body which falls under the control of the National Commissioner of Police, who is appointed by the President subject to the approval of the National Assembly....
More

Quick Links

Resources

Contacts

Police Headquarters, P.O Box 46, Victoria, Mahe, Seychelles

Email us on:
info@police.gov.sc

Contact
Phone: 4288000

Privacy Policy

All press release and communique on this website is copyrighted content from the Seychelles Nation, Today newspaper and The Seychelles Police force.

Cookie Policy →

999133