Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Items filtered by date: Thursday, 06 January 2022
Thursday, 06 January 2022 11:13

Kominike Lapolis

Lapolis in konmans en lanket dan lanmor en zonm aze 52 an sorti dan distrik Takamaka ki ti mor yer dan younit swen entasif lopital Sesel. 
Antretan lapolis pe esper rapor rezilta letopsi pou etablir  lakoz  e sirkonstans son lanmor.
Published in Communique
Thursday, 06 January 2022 06:30

Aksidan fatal Au Cap

Lapolis pe raporte ki ozordi bomaten in anrezistre en 7 yenm ka fatal pou sa lannen. Sa I lanmor en madanm 72 an sorti Petit kin ganny tape par en loto dan zanmerant lekol Au Cap ek Lenstiti Kreol.

Dapre rapor sa madanm tin koup semen deryer en bis ki in tin fek debarke ladan e en loto ki ti pe fer direksyon lavil ti tap li e I ti mor sirplas. Drayver loto enplike dan sa aksidan I en zonm 32 an ki reste Baie Lazare.

 Lapolis pe fer lanket dan sa ka pou etablir ekzakt sirkonstans sa aksidan trazik raporte avek lapolis ver 6er bomaten.  

 Avek lapli ki pe tombe, delo lo semen e avek move vizibilite sirtou dan rezyon montanny lapolis pe demann motoris pou pran tou mezir neseser pou evit aksidan.

Published in Communique
Thursday, 06 January 2022 06:29

Kominike Lapolis

Swivan larestasyon e rimann en koup, premye ek dezyenm sispe osibyen ki rimann en 3yenm zonm sispe pou lofans posesyon zarm ek aminisyon, ozordi bomaten ankor 2 zonm in ganny arete e pe ganny detenir swivan lanket ki lapolis pe kontinnyen fer an relasyon avek sa ka kot zarm ti ganny dekouver e sezi kot lakour premye ek dezyenm sispe.

 Sa 2 nouvo sispe ki aze 75 e 81 an I ekspekte pas ankour demen Zedi.

Published in Communique
Thursday, 06 January 2022 06:28

Komonike Lapolis

Lapolis pe fer lanket dan lanmor Harindra Sampath Happuhamy Ponnawilage Don, en msye Sri Lanken 47 an ki ti pe reste e travay lo La Digue. Sa lensidan ti ganny raporte avek stasyon Lapolis La Digue Vandredi le 10 Desanm ver 8:50 bomaten.

Sa msye ti ganny dekouver mor dan en lakaz prive  pou en biznesmenn ki i ti anploy li. Dapre sa bznesmenn ki annan en lakonpannyen konstriksyon, apre 4yenm zour ki sa Sri Lanken pa tin raport travay I ti deside al kot lakaz pou rode akoz. I azoute ki letan I ti ariv kot lakaz I ti war personn. I ti kontinnyen an dizan ki a en moman I ti get par vit lasanm e trouv son travayer ater e I pa ti pe “respond” alor I ti enform lapolis.

Sa zour, bann parti konsernen ki ti al kot sa lakaz pou fer ekzaminasyon e osi lanket  pa ti trouv nanryen abnormal ni okenn mark vizib lo lekor sa msye alor lekor ti ganny retire e transporte lakaz mor.

3 zour plitar, swivan letopsi rekomande par lapolis, rezilta ti demontre ki son msye Sri Lanken tin mor par ganny trangle e depi sa  lanket ti pran en lot dimansyon.

Ziska ozordi napa sispe kin ganny arete dan sa ka mert e lapolis pe kontinnyen avek son lanket.

Departman lapolis.

Published in Communique
Thursday, 06 January 2022 06:25

Kominike Lapolis

En zonm 47 an avek Nasyonalite swilankann ki ti pe travay avek en lakonpanyen Konstriksyon La digue in ganny dekouver mor dan son akomodasyon ozordi bomaten kot i ti pe reste dan Rezerv. Sa dekouvert ti ganny raporte avek lapolis ver  8er 45  Bomaten kordgard La Digue. 
 
En lanket in konmanse dan sa ka annatandan rapor rezilta letopsi pou determin lakoz e sirkonstans son lanmor.
Published in Communique
Thursday, 06 January 2022 06:20

Kominike Lapolis

Lapolis pe averti biznesmenn, sirtou marsan ek boutikye pou evite antre dan okenn tranzaksyon finansyer sirtou atraver tyek avek Jude Jean, sa zonm trouve dan sa portre.

Jude Jean aze 34 an I ganny bezwen e pe ganny reserse par lapolis pou plizyer lofans “issuing cheque without provision”, akoz napa larzan  pou ou gannyen atraver sa bann tyek ki I pe pey son bann tranzaksyon avek letan ou pe al sanze labank.

 

Ziska aprezan plizyer sa bann ka in ganny anrezistre Kordgard Mont Fleuri e osi Santral kot In aste aytenm elektonik parey telefonn, televizyon, labwason alkolize, prodwi manze etc.

Lapolis pe egalman demann nenport endividi ki annan lenformasyon kredib lo kote Jude Jean I ete pou kontakte son sant komann lo 4288000 oubyen kordgard pli pre irzan

Published in Communique
Thursday, 06 January 2022 06:19

Kominike Lapolis

En zonm 47 an avek Nasyonalite swilankann ki ti pe travay avek en lakonpanyen Konstriksyon La digue in ganny dekouver mor dan son akomodasyon ozordi bomaten kot i ti pe reste dan Rezerv. Sa dekouvert ti ganny raporte avek lapolis ver  8er 45  Bomaten kordgard La Digue. 
 
En lanket in konmanse dan sa ka annatandan rapor rezilta letopsi pou determin lakoz e sirkonstans son lanmor.
Published in Communique
Thursday, 06 January 2022 06:15

Kominike Lapolis

En Madanm 38 an sorti Grand Anse La Digue in formelman ganny sarze ozordi apremidi devan lakour Mazistra pou 2 ka kas lakaz e vole e 1 ka pou kas en batiman e vole kin arive tou resaman lo La Digue pandan mwan Novanm 2021.

Lakour in ordonnen ki sa akize I rimann prizon Mont Posse ziska le 20 Desanm 2021 kot I pou re pas devan lakour.

Published in Communique

Communiqué Filter

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31