Lapolis in raporte ki en zonm 21 an kin donn son ladres koman Bevedere avek en lot 26 an ki reste Anse Norde in ozordi ganny rimann prizon Montagne Posee an koneksyon avek plizyer lofans tel ki kas lakaz, kas batiman e vole osibyen ki pou vole lo lans e vol transpor. I egalman annan lofans sove an detansyon legal kin ganny anrezistre kont sa 2 zonm.
Mazorite lofans kont sa 2 dimoun in raporte arive dan rezyon Mont Fleuri ek Sid Mahe tou dernyenman.
Lapolis pe antretan kontinnyen avek son lanket dan sa bann ka kot zot ekspekte ganny sarze byento.