Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Kominike Lapolis

Sa 3 zonm ki ti ganny arete le 9 Zilyet swivi par 2 lezot le 10 Zilyet dan loperasyon konzwent FCIU, CID ek ANB an relasyon avek lofans anba lalwa kont;  blansisaz larzan, finansman akt teroris osibyen ki konplo pou fer trafik imen in tou le 5 ganny formelman sarze devan lakour Siprenm tou resaman.

3 parmi zot ki akize prensipal dan sa bann ka in reganny rimann tandis ki sa 2 lezot in ganny large par lakour lo plizyer kondisyon vreman strikt, tel remet zot bann dokiman vwayaz avek lakour, en kosyon larzan 10,000 roupi sakenn, sinny en lot kosyon 100,000 roupi sakenn e zot bezwen raport kot zot stasyon lapolis tou le lendi pou sinny liv lakour.

 

Lapolis in egalman raporte ki en zonm 38 an ki reste Plaisance in ganny arete yer swar kot I tin al kas batiman e vole kot Island Motors Bois de Rose. I ti ganny dekouver pe kasyet dan plafon sa batiman par zofisye lapolis ki ti reponn en lapel pou lasistans.

Sa sispe kin ganny anmenn ankour ozordi e ganny rimann pou 14 zour i egalman sispe e pe ganny ankete pou lezot ka kas batiman e vole resaman anrezistre Santral ek Kord Gard Mont Fleuri.

Sa bann ka I konpri enn kot Island Motors le 16 Zilyet, enn kot ‘warehouse’ STC Latanier le 29 Zilyet, kot Isolution ek kot Tech Business System Lari Huteau le 5 Out.

Lanket I an progre dan sa bann ka.

Communiqué Filter

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31