Lapolis in raporte ki en madanm 37 an ki reste Anse Aux Pins in noye ozordi tar bomaten dan lanmer Pte Au Sel apre ki bato ki I ti ladan ansanm avek 3 lezot dimoun ti savire. Sa 3 lezot dimoun, 2 zonm avek en madanm ti ganny transporte lopital Anse Royale apre ganny transfer Lopital Sesel pou lasistans medikal.
Sete en garson ki ti pran bato sa papa avek led 3 lezot endividi ki ti asiste pou sov sa 2 zonm ek sa madanm ki ti dan detres.
Dapre enn sa zonm ki ti pe anmenn bato, I dir ki laroul tin tap bato e savir li.
Sa lensidan trazik arive dan lanmer dan zanmerant laboutik Veni ti ganny raporte avek Sant Komann lapolis Santral ver 11:49 bomaten.
Lenformasyon egalman ranmase par lapolis sa 4 dimoun tin kit ater Anse Aux ver 10:30 bomaten pou al fer en vire lo lanmer.
Lanket pe fer dan sa ka.