Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

ZOFISYE FCIU, ANB EK CID I ARET 6 ZONM DAN EN LOPERASYON KONZWENT.

Lapolis in raporte ki 6 zonm sispe in ganny arete e  anmenn ankour ozordi kot zot in ganny rimann ziska le 23 Zilyet pou plizyer lofans tel ki konplo pou blansi larzan, konplo pou fer trafik imen, konplote pou enporte e fer trafik drog kontrole e lezot lofans anba lalwa kont trafik imen, drog kontrole e blansisaz larzan.

Parmi sa bann sispe I annan 2 ki pa dan lanplwa, 1 mekanik, 1 ki travay avek en lakonpannyen lo por ek 2 drayver taksi. Parmi sa 6 sispe i annan ki reste Ma Joie, Pointe Larue, Pointe Au Sel, Anse Aux Pins e  Beau Vallon. 

Tou le 6 sispe ti ganny arete swivan loperasyon konzwent ant zofisye FCIU, ANB ek CID pandan wikenn.

Lanket dan zot ka I kontinnyen.

 

Lapolis in egalman raporte ki  in komans  lanket dan ka kot kekor en pti baba kin tin fini formen in ganny ranmase dan en dusbin Beau Belle ozordi. Dapre patolozis kin al dan sa landwra sa pti baba ki en pti garson I kapab annan 9 mwan.

Sete en garson ki ti pe ranmas pet ki ti fer sa dekouvert ki lapolis ti ganny enformen lo la ver 1:12 apremidi.

Antretan ki lanket pe fer dan sa ka, lapolis pe demann nenport endividi ki annan lenformasyon kredib lo sa lensidan pou kontakte Kordgard Beau Vallon oubyen CID.

Communiqué Filter

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31