Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Statement sorti kot Kommisyoner Lapolis.

Lapolis I oule konfirmen ki I annan dan son posesyon sa video ki an sirkilasyon kot en zonm Seselwa pe enplor avek serten endividi isi Sesel pou son laliberte e nou kwar ki sa video i otantik, alor nou’n komans lanket dan sa ka.

 Mon oule osi konfirmen ki nou annan rapor e ka kin ganny anrezistre konsernan Seselwa ki pe ganny detenir kont zot volonte dan serten pei mwayenn Oriyan.

Nou aktyelman pe fer lanket dan 7 sa bann tel ka e parmi I annan 2 ka kin fini ganny konplete oubyen finalize. Enn parmi I deza devan lakour kot en sispe in ganny sarze pou lofans trafik imen tandis ki sa lot I kot biro Atorni zeneral pou consider prosekisyon.

Pou rezon sekirite nasyonal, sekirite manm fanmiy e sirtou sekirite sa bann endividi dan sa bann ka nou pa oule al dan detay travay ki lapolis avek lezot son bann partener pe antreprann pou le moman.

Sitiasyon ozordi I montre ki nivo biznes drog kontrole ki illegal, in arive dan nou pti pei. Lapel pour tou Seselwa se pou pa tonm dan pyez bann trafiker kot zotmenm apre vin viktim, zot zanfan, fanmir, I soufer e pei an zeneral I sibir le konsekans.

Pou konkli mon oule sepandan reasir tou Seselwa ki lotorite pou reste angaze dan son lalit kont sa fleo ki pe kontinnyen zonz sirtou nou bann zenn.

Alors ankor enn fwa prenan kont sansibilite size ki lo nou lanmen, dan lenstans kot I annan plis lenformasyon pou devwale lo sa bann ka kominikasyon I ava ganny fer atraver medya oubyen lezot mwayen apropriye.

 

Mon remersi tou dimoun pou zot konprenezon.

Communiqué Filter

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31