Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

En zenn garson I ganny sarze pou 3 diferan lofans

En garson 17 an ki reste Perseverance 2 in formelman ganny sarze devan lakour pou bann miner ozordi pou lofans reziste larestasyon, adomaz propriyete e osi konportman dezordonnen dan kordgard.

Larestasyon evantyel sa akize ti vin apre ki lapolis tin resevwar lapel pou lasistans Vandredi le 18 Zen ver 6:30 diswar swivan son konportman agresiv kot lakaz.

Letan I ti pe ganny transporte kordgard sa akize ti andomaz transpor lapolis e kontinnyen avek son konportman agresiv e dezordonnen dan stasyon.

Sa lakour in ordonnen ki sa akize 17 an I ganny large lo serten kondisyon tel ki sinny en kosyon 25,000 roupi, I bezwen raport kordgard tou le lendi, I napa drwa komet okenn lofans parey avan son ka I fini ankour e I bezwen remet son bann dokiman vwayaz avek lakour.

Prosen dat ki sa akize pou repas ankour I le 08 Zilyet.

Communiqué Filter

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31